சிறுநீரகக் கல் அடைப்பை நீக்கும் வாால்மிளகு.

 சிறுநீரகக் கல் அடைப்பை நீக்கும் வாால்மிளகு... வேறு என்னென்ன மருத்துவ குணங்கள் இருக்கின்றன... 

cubeba என்னும் இனத்தைச் சேர்ந்தது இந்த வால்மிளகு நல்ல நறுமணமும் அதிக காரத்தன்மையும் கொண்டிருக்கும். இந்த வால்மிளகு பற்கள் சம்பந்தப்பட்ட பிரச்சினைகள், சிறுநீரகப் பிரச்சினைகள், மாதவிடாய் வலியை குறைக்க என பல பிரச்சினைகளுக்குத் தீர்வாக இருக்கிறது. இதை ஒவ்வொரு பிரச்சினைக்கும் ஒவ்வொரு மாதிரியாக எடுத்துக் கொள்ளச் சொல்வார்கள். குறிப்பாக மாதவிடாய் சம்பந்தப்பட்ட வலிகளைப் போக்குவதற்கு வால்மிளகுடன் தேன் கலந்து சாப்பிடுவார். பல் மற்றும் வாய் சம்பந்தப்பட்ட பிரச்சினை இருந்தால் வெற்றிலையுடன் சேர்த்து மென்று மெதுவாக உமழ்நீருடன் கலந்து சுவைக்க வேண்டும் என்று கூறுவார்கள். இப்படி என்னென்ன பிரச்சினைகளுக்கு வால்மிளகு சாப்பிடலாம் என்று இந்த தொகுப்பில் பார்க்கலாம்.

​வால்மிளகு என்பது என்ன

நாம் வழக்கமாக சமையலில் பயன்படுத்தும் மிளகைப் போன்றது தான் இந்த வால்மிளகும். நாம் சாதாரணமாக பயன்படுத்துகிற மிளகும் வால்மிளகும் ஒரே குடும்பத்தைச் சேர்ந்தது தான். வால்மிளகு பார்ப்பதற்கு மிளகைப் போன்றே இருக்கும். ஆனால் இது சிறிய காம்புடன் சேர்ந்து இருக்கும். வால்போல இருப்பதால் தான் இதனை வால்மிளகு என்று அழைக்கிறார்கள்.

​வறட்டு இருமல்

சிறிதளவு வால்மிளகுத்துள் இதனுடன் தேன் கலந்து சாப்பிட்டு வந்தால் நீரிழிவு நோய் குறையும். இலவங்கப்பட்டை , வால்மிளகு இரண்டையும் பொடியாக்கி நெய்யில் கலந்து சாப்பிட்டு வந்தால் இருமல் குறையும்.

​பல் சம்பந்தப்பட்ட பிரச்சினைகள்

பல் சம்பந்தப்பட்ட பிரச்சினைகளுக்கு வால்மிளகு மிகச்சிறந்த தீர்வைத் தரும். பல் பிரச்சனைகள் குணமாக கறிவேப்பிலையை துளாக்கி அதில் லவங்கம், கடுக்காய், காய்ந்த நெல்லி வற்றல் ஆகியவற்றைச் சேர்த்து பொடியாக்கி பல் தேய்த்தால் பல் பிரச்சனை குணமாகும்.

வாய் துர்நாற்றம், தொண்டைப்புண் ஆகியவை உள்ளவர்கள் வால்மிளகுடன் வெற்றிலையைச் சேர்த்து சாப்பிட்டு வந்தால் தொண்டைப் புண் ஆறும்.

​நுரையீரல் பிரச்சினைகள்

கப உடல்வாகு கொண்டவர்களுக்கு அடிக்கடி தொண்டை சம்பந்தப்பட்ட பிரச்சினைகளும் சளித் தொல்லையும் ஏற்படும். அவர்கள் தினமும் தயிருக்கு பதிலாக மோர் சேர்த்துக் கொண்டு, அதில் சீரகம் மற்றும் வால்மிளகு சேர்த்து பொடி செய்து அதந்த மோரில் கலந்து குடித்து வரலாம். அப்படி தொடர்ந்து குடித்து வருவதால் நுரையீரலில் கபம் சேராமல் இருக்கும். மூச்சு விடுவதில் ஏற்படும் சிரமம குறையும். அதேபோல் இரவு தூங்கும்போது வெதுவதுப்பான பாலிலும் கலந்து குடிக்கலாம். அதிமதுரத்துடன் சேர்த்து சாப்பிட்டு வர அதிக பலன்களைப் பெறலாம்.

​உடல் சூடு குறைய

உடல் சூட்டைத் தணிப்பதில் வால்மிளகுக்கு மிகப்பெரிய பங்குண்டு. பொதுவாக சுரைக்காய், பீர்க்கங்காய் போன்ற நீர்ச்சத்து நிறைந்த காய்கறிகள் உடல் சூட்டைக் குறைக்கும். அவற்றுடன் வால்மிளகு சேர்த்து சாப்பிட்டால் நல்ல பலன் கிடைக்கும். குறிப்பாக சிறுநீர்க் கடுப்பு பிரச்சினை உள்ளவர்கள் பத்து வால்மிளகை எடுத்து பாலில் ஊறவைத்து அரைத்து அதை பீர்க்கங்காய் சமைக்கும்போது சேர்த்து பால் கூட்டு போல சாப்பிட்டு வந்தால் சிறுநீர்க் கடுப்பு தீரும்.

​கீரைகளுடன்

கீரைகளை சமைக்கும்போது பொதுவாக மிளகாய் வற்றல் சேர்ப்பதுண்டு. ஆனால் அதற்கு பதிலாக அரை ஸ்பூன் வால்மிளகை பொடி செய்து சேர்த்துக் கொள்வது கீரையின் முழு பலனையும் கொடுக்கும். கீரை மற்றும் வால்மிளகு இரண்டிலுமே அதிக அளவில் வேதிப்பொருள்கள் இருக்கின்றன. அவை சேரும்போது உங்களுக்குப் பலன் இரு மடங்காகக் கிடைக்கும்