’ஞாயிறு திரை மலர்

’ஞாயிறு திரை மலர் 20/12/2020

******************************************************************************************

சிவாஜியுடைய முதலாவது கார்.

 எதிர்பாராதது’ படத்தில் சிவாஜி வழக்கம்போல பத்மினியின் காதலனாக வருகிறார். சந்தர்ப்பவசத்தால் சிவாஜியின் தகப்பன் நாகய்யாவுக்கு பத்மினி மனைவியாகி விடுகிறார். காதலன் இப்போது மகன் முறை. சிவாஜி ஒரு சமயம் பத்மினியை பழைய நினைவில் அணுகியபோது பத்மினி கன்னத்தில் ஒரு அறை கொடுக்கிறார். படம் எடுத்தபோது அந்த நேர உணர்ச்சி வேகத்தில் பத்மினி நிஜமாகவே அறைந்துவிடுகிறார். சிவாஜியுடைய கன்னம் வீங்கிப்போய் மூன்று நாட்களாக அவர் படப்பிடிப்புக்கு வரவில்லை. மூன்றாவது நாள் சிவாஜியைப் பார்க்க அவர் வீட்டுக்கு பத்மினி வருகிறார். அப்பொழுது ஒரு பியட் கார் வாங்கி சிவாஜிக்கு பரிசு கொடுத்தார். அதுதான் சிவாஜியுடைய முதலாவது கார்.

பத்மினியின் ஞாபகசக்தி அசரவைக்கிறது. எந்த ஒரு சம்பவத்தையும் கூறமுன்பு அது நடந்த வருடத்தை கூறியபடிதான் பேச்சை ஆரம்பிக்கிறார். ‘1944-ல் உதயசங்கருடைய கல்பனா படத்தில் டான்ஸ் ஆடினேனா’ என்று தொடங்கி அந்த விவரங்கள் எல்லாவற்றையும் தருவார். சினிமா என்றால் தயாரிப்பாளர் பெயர், டைரக்டர் பெயர், நடிகர்கள் பட்டியல் எல்லாமே நினைவில் வைத்திருக்கிறார். அவர் மூளையில் பெரிய தரவுத்தளம் (database) ஒருவித வைரஸ் பாதிப்பும் இல்லாமல் இயங்குகிறது.

விழாவுக்கு பத்மினியின் அலங்காரம் பிரமாதமாக இருந்தது. இருட்டில் போத்தல் தேனை கவிழ்த்துக் குடித்ததுபோல இதழ்களில் உருகி வழியும் லிப்ஸ்டிக். அவருடைய எடைக்கு சரிசமமான எடையோடு இருக்கும் சரிகை நிறைந்த சேலை. இரண்டு கைகளிலும் எண்ணிக்கை சரி பார்த்து திருப்பி திருப்பி எண்ணி அணிந்த வளையல்கள். முகத்திலே விழுந்த சிறு சுருக்கத்தை தவிர, ஒரு சிறகு மட்டுமே உதிர்த்த தேவதை போல, அந்தக் காலத்து எ.பி நாகராஜனுடைய ‘விளையாட்டுப் பிள்ளை’ சினிமாவில் வந்த பத்மினியாக காட்சியளித்தார்.

நீண்ட வசனங்களை எல்லாம் பத்மினி மேக்கப் போடும்போதே பாடமாக்கி விடுவார் என்று கேள்விப்பட்டிருக்கிறேன். இந்த நாட்கள் போல இல்லாமல் அந்தக் காலத்தில் நடிகைகள்தான் (கொடுமை) தங்கள் வசனங்களையும் பேசவேண்டும். ஆனால் விழாவில் மேடை ஏறியதும் அவர் புதிய பத்மினியாகிவிட்டார். கைதேர்ந்த பேச்சுக்காரி மாதிரி விழா சம்பந்தப்பட்டவர்கள் பெயர்கள் எல்லாவற்றையும் ஞாபத்தில் வைத்து சுருக்கமாகப் பேசிமுடித்தார். அந்தச் சில நிமிடங்கள் சபையோர்கள் அவருடைய பிரசன்னத்தில் மயங்கி ‘நலம்தானா? நலம்தானா?’ என்று கூக்குரலிட்டபடியே இருந்தார்கள்.

-எழுத்தாளர் முத்துலிங்கம்

=================================================================

பாலச்சந்தர்

நூறு படங்களுக்கும் மேலாக இயக்குனராகப் பணியாற்றியிருந்தாலும் எம்.ஜி.ஆரை, இயக்கியதே இல்லை. அவரது ஒரே ஒரு படத்திற்கு அவர் வசனம் மட்டும் எழுதியிருந்தார். தெய்வத்தாய் என்னும் அத்திரைப்படம், ஆர். எம். வீரப்பன் தயாரிப்பில் பி.மாதவன் இயக்கத்தில் வெளிவந்த வெற்றிப்படம். பி. மாதவன், எம்.ஜி.ஆரை வைத்து இயக்கிய ஒரே படம் இதுவே, என்பதும் குறிப்பிடத்தக்கது.

பாலச்சந்தரின் இயக்கத்தில், சிந்து பைரவி படத்தில், தமது பாத்திரத்திற்காக சுஹாசினி, இந்திய அளவில் சிறந்த நடிகை விருது பெற்றார். இளையராஜாவிற்கும் சிறந்த இசையமைப்பாளர் விருதினை ஈட்டித் தந்த படம் இது. சிரஞ்சீவியின் நடிப்பில், தெலுங்கில், பாலச்சந்தர் இயக்கிய ருத்ரவீணா வெற்றி பெறவில்லை எனினும், கமலஹாசன் நடிப்பில் உன்னால் முடியும் தம்பி என்னும் பெயரில் வெளியான அதன் தமிழாக்கம் வெற்றியையும், பாராட்டுகளையும் பெற்றது.

கமலஹாசனும் ரஜினிகாந்தும் இணைந்து நடித்த கடைசி திரைப்படம் பாலச்சந்தரின் நினைத்தாலே இனிக்கும். பாலசந்தர் வெளிநாடுகளில் படப்பிடிப்பை நிகழ்த்திய முதல் படமும் இதுவேயாகும். பாலச்சந்தரின் இயக்கத்தில், ஜெயலலிதா நடித்த ஒரே படம் ‘மேஜர் சந்திரகாந்த்’.

ஜெமினி கணேசனின் சொந்தத் தயாரிப்பில், பாலச்சந்தர் இயக்கிய

நான் அவனில்லை, திரைப்படம் அதன் புதுமையான கதையம்சத்திற்காக பெரிதளவில் பாராட்டைப்பெற்றாலும் வர்த்தக ரீதியாக வெற்றி பெறவில்லை. ஆயினும், இதற்காக ஜெமினி கணேசன், ஃபிலிம்ஃபேர் விருது பெற்றார்.

+++++++++++++++++++++++++++++++++++++++++++++++++++++++++++++

அரிய புகைப்படங்கள்

%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%

பாலுமகேந்திரா ஒளிப்பதிவுசெய்த முதல் தமிழ்படம்

1977ல் பாலு மகேந்திரா அவரது முதல் படமான 'கோகிலா'வை கன்னட மொழியில் இயக்கினார். பாலுமகேந்திரா ஒளிப்பதிவுசெய்த முதல் தமிழ்படம்

முள்ளும் மலரும் 1977ல் வெளியாயிற்று. 1978ல் தமிழில் அவரது முதல் படமான 'அழியாத கோலங்கள்' வெளியாயிற்று. பாலு மகேந்திரா மணிரத்தினம் போன்ற பல முக்கியமான இயக்குநர்களின் முதல் படங்களுக்கு ஒளிப்பதிவு செய்துள்ளார்.

சின்னத்திரையில் பாலு மகேந்திரா

கதை நேரம் எனும் தொலைக்காட்சி தொடரினை சன் தொலைக்காட்சிக்காக பாலு மகேந்திரா இயக்கினார்.இத்தொடர்கள் 52 கதைகளை கொண்டிருந்தன அவற்றில் 10 கதைகள் எழுத்தாளர் சுஜாதாவினுடையதாகும்.

நுண்ணுணர்வும் படைப்பாற்றலும்

பாலு மகேந்திரா தனது பேச்சுக்களின் போது படைப்பாற்றல், நுண்ணுணர்வு பற்றி பின்வருமாறு கூறுவார் "ஒரு படைப்பாளிக்கு அடிப்படைத்தேவை நுண்ணுணர்வு. அந்த நுண்ணுணர்வு இல்லையென்றால் அவன் படைப்பாளியே அல்ல. மற்றவர்களால் பார்க்க முடியாத விடையங்களை உன்னால் பார்க்க முடிகிறதே எதனால்? உன்னிடம் நுண்ணுணர்வு உள்ளது. எந்த நுண்ணுணர்வு உனது படைப்பை உன்னதப்படுத்துகின்றதோ அதே நுண்ணுணர்வு உனது தனிப்பட்ட வாழ்வை நாறடித்துக் கொண்டிருக்கும்.ஏனெனில் நீ அதிகம் எதிர்வினை புரிபவனாய் இருப்பாய். உலகில் உள்ள படைப்பாளிகளுக்கு இருக்கக்கூடிய சாபக்கேடுதான் இது." .

இணையத்தில் இருந்து எடுத்தது

@@@@@@@@@@@@@@@@@@@@@@@@@@@@@@@@@@@@@@@@@@@@@@@

எப்படி இருந்த நடிகை லட்சுமி

எப்படி இருந்த எப்படி இருந்த நடிகை லட்சுமி 67வயதாகி முடியெல்லாம் நரைத்து !!இப்போ எப்படி இருகாங்க தெரியுமா !! – வெளிவந்த புகைப்படம் உள்ளே!

தமிழ் சினிமா துறையில் 60களில் கலக்கி வந்த நடிகை லட்சுமி.இவர் தமிழ் சினிமாவின் பல முன்னணி நடிகர்களுடன் இணைந்து பல படங்களை நடித்துள்ளார்.இவர் அன்றைய கல கட்டத்தில் இருந்த பிரபல நடிகர்களான சிவாஜி,

எம் ஜி அர் அவருடன் இணைந்து நடித்துள்ளார்.அத்துடன் இவர் பல ஹிட் படங்களை கொடுத்து பல ரசிகர்கள் மனதில் அன்று முதல் இன்று வரை நீங்கா இடம் பிடித்துள்ளார்.

இவர் கோலிவுடில் தனது முதல் படமான ஸ்ரீ வள்ளி மூலம் அறிமுகமாகினார்.பின்பு படிபடியாக படங்களில் நடிக்க தொடங்கி தமிழ் சினிமாவின் முன்னணி நடிகையகினார்.நடிகை லட்சுமி அவர்கள் தமிழ் சினிமா மட்டுமல்லாமல் தெலுங்கு, மலையாளம் மற்றும் ஹிந்தி மொழி சினிமா துறையில் படங்கள் நடித்து அந்த மொழி சினிமா ரசிகர்களை தான் வசம் வைத்துள்ளார்.இவர் வெள்ளித்திரையில் மட்டுமல்லமல் சின்னத்திரையிலும் கால் தடம் பதித்து வெற்றி கண்டுள்ளார்.

இவர் படங்களில் நடித்து அந்த படங்களுக்கான சிறந்த நடிகை விருதகளை வாங்கியுள்ளார். தற்போது நடிகை லட்சுமி அவர்களின் அண்மையில் எடுத்த புகைப்படம் ஒன்று இணையத்தில் வைரலாகி வருகிறது.அந்த புகைப்படத்தில் இவர் நரைத்த முடியுடன் கம்பீரமாக 67 வயது ஆனா ஆள் போல் இல்லாமல் மிகவும் அழகாக காணப்பட்டார்.அதனை கண்ட ரசிகர்கள் அந்த புகைப்படத்தை சமுக வலைத்தளங்களில் பரப்பி வருகின்றனர்.அவரது புகைப்படம் கீழே உள்ளது 67வயதாகி முடியெல்லாம் நரைத்து !!இப்போ எப்படி இருகாங்க தெரியுமா !! – வெளிவந்த புகைப்படம் உள்ளே!

*************************************************************************************************************

நடிகை சரிதா

நடிகை சரிதா. 1980 களில் தமிழ் சினிமா மட்டும் இன்றி தெலுங்கு, கன்னடம் , மலையாளம் என அத்தனை மொழித் திரைப்படங்களிலும் ராணியாக இருந்தவர் தான் நடிகை சரிதா. இயக்குனர் கே பாலசந்தர் அவர்களால் சினிமாவிற்கு அறிமுகம் செய்து வைக்கப் பட்ட நடிகை சரிதாவின் வாழ்க்கை சினிமாவில் மட்டுமே வெற்றிபெற்றது. நிஜத்தில் தோல்விகளையே சந்திந்தது. ஆம் நடிகை சரிதாவிற்கு பெற்றோர்களால் அவரது 16 வயதில் திருமணம் செய்து வைக்கப் பட்டது.

அந்த திருமண வாழ்க்கை அவருக்கு வெறும் 6 மாதங்கள் கூட நிலைக்கவில்லை. அப்பாவி சிறுமியான சரிதாவை அன்பாக பார்க்காத கணவரிடம் இருந்து பிரிந்த சரிதாவிற்கு அதிர்ஷ்ட தேவதை சினிமாவில் இருந்து கை நீட்டினால். தெலுங்கு திரைப்படம் ஒன்றில் அறிமுகமான சரிதா கூட அந்த திரைப்படத்தின் வெற்றியை நினைத்துக் கூட பார்த்திருக்க மாட்டார்.

அத்தனை மொழிகளிலும் டப் செய்யப் பட்ட திரைப்பட வெற்றியை தொடர்ந்து தமிழில் அவள் அப்படித் தான் படத்தில் அறிமுகமானார். சிறிய வேடம் என்றாலும் சிறப்பாக நடித்ததால் அடுத்த படமான தப்பு தாளங்கள் படத்தில் ரஜினியின் ஜோடியானார்.அதன் பின் அவர் நடித்த அத்தனை திரைப்படங்களும் வெற்றி பெற்றது

இந்த நிலையில் சில திரைப்படங்களில் தன்னுடன் ஜோடியாக நடித்த முகேஷ் என்பவரை காதலித்து திருமணம் செய்து கொண்டார். இரண்டு ஆண் குழந்தைகளுக்கு தாயான சரிதாவின் வாழ்வில் மீண்டும் ஒரு புயல் வீசியது. அது பிரபல நடன மங்கையின் உருவத்தில் வந்தது.

கணவரான நடிகர் முகேஷ் பிரபல நடன பெண்ணை காதலித்து திருமணம் செய்துகொண்டார். மனமுடைந்த சரிதா விவாகரத்துக்கு முயற்சி செய்தார். ஆனால் நீதி மன்றத்திற்கு முகேஷ் வரவில்லை. இதனை தொடர்ந்து விவாகரத்து கிடைக்கவில்லை.குழந்தைகளுடன் துபாய் சென்றார் சரிதா.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

நெஞ்சம் மறப்பதில்லை

         தொடர்

  ------மோகன்

 

பாடல் : அம்மம்மா கேளடி தோழி!

 

பாடியவர் :      லூர்துமேரி ராஜேசுவரி     (என்கிற)

 எல்.ஆர்.ஈசுவரி!

ரசிகர்களின் இதய சிம்மானத்தில் தனியிடம் பிடித்துக் கொண்ட தமிழச்சி!!!

This song is Undoubtedly a A Masterpiece from LR Eswari 

எல் ஆர் ஈஸ்வரியின் குரல் வளமும், பாடும் ஸ்டைல்ம்  வேறு யாரும் காப்பி அடிக்க முடியாத ஒன்று.

 வெளிநாட்டில் பிறந்திருந்தால் உலகப் புகழ் பெற்றிருப்பார்.

ஆணின் விரகதாபத்தை தியாகராஜ பாகவதர் பாடிய "மன்மத லீலையை வென்றார் உண்டோ" என்று பாடியிருந்த  அதே சாருகேசி ராகத்தில், பெண்ணின் விரகதாபத்தை  உனர்த்தும் பாடலாக இந்த பாடலை  இசையமைப்பாளர்கள் விஸ்வநாதன் ராமமூர்த்தி

கருப்பு பணம் என்ற படத்தில்  அமைத்தனர்

அதே படத்தில்

"ஆட வரலாம்" என்ற பாடல் எல் ஆர் ஈஸ்வரி க்கு பெருமை சேர்த்தது என்ற நிலையில் இந்தப் பாடல்  ரசிகர்களால் ஏற்று கொண்டாட சற்று நேரம் பிடித்தது

ஆனால்அந்தப் பாடலை போலவே  இன்றும்  ரசிக்கக் கூடிய பாடலாக இது இருக்கிறது....

 

SPB போலவே முறையான இசைபயிற்சி இல்லாமலேயே இந்த உயரத்தை எட்டியவர்

அன்னக்கிளியில் ஜானகி உச்சம் தொட்ட தாலும் இளையராஜாவின் வாணிக்கு இவர் பாடும் பாடல் பாணி பொருந்தாது என்ற நினைப்பிலும் இவரது கலை உலக வாய்ப்புகள் குறைந்து போனது

 இருப்பினும் கல்யாண வீடுகளில் வாராயோ தோழி வாராய் பாடலும் ஆடி மாதத்தில் அம்மன் பாடல்களின் மூலமாக இன்றும் இவர் தான் கொடிகட்டி பறந்து கொண்டிருக்கிறார்!

 

சரி பாடலுக்கு வருவோம்

 

பாடலை சற்றும் விரசம் கட்டாமல் அதே நேரத்தில் சரியான உணர்வை வெளிப்படுத்தும் விதமாக பாவத்துடன் பாடியிருக்கிறார்

 

 ஈஸ்வரி ஒவ்வொரு வார்த்தைகளையும் தனித்தனியாக ஸ்பஷ்டமாக உச்சரிப்பதில் சீர்காழி கோவிந்தராஜனக்கு நிகர் இவரே...

 

 இந்த பாடலில் வரிகளுக்கு  கொடுத்திருந்த அழுத்தமும் உச்சரித்த விபரமும் ரசிக்கத்தக்கவை

                                                       உதாரணமாக அம்மம்மா என்ற வார்த்தையில் அவர் காட்டியிருந்த அழுத்தம் சிறப்பானது

 

  அம்மம்மா என்ற வார்த்தையை பாடல் முழுதும் பல இடங்களில் வந்தாலும் முதல் தடவை உச்சரித்ததுபோன்றே  கடைசிவரை ஒரு தனித்துவத்துடன் உச்சரித்திருக்கிறார்....

 

என்னால் சரியாக விளக்க முடியவில்லை

 கேட்டுப்பாருங்கள் புரியும் ....

 

 

"தன்னாலே பேச வைத்தானே

முள் மீது தூங்க வைத்தானே" என்ற வரிகளில் சரியான பாவத்தை காட்டியிருக்கிறார்.

மேலும் கீழும் ஏற்ற இறக்கத்துடன்,

பாடல் முழுதும் ஒரு அலையடிப்பதைப்போல  பாடியிருக்கிறார்.

 

The  emotions are brought out with effortless ease by her ...

ஈஸ்வரி இந்த பாடலை பாடிய விதம் என்றும் ரசிக்கத்தக்கது

 

தன்னாலே பேச வைத்தானே

 முத்தாரம் சரியவைத்தானே

 

 என்ற வரிகளில் எல்லாம் அவர் கொண்டு வந்திருக்கிற அந்த baaவம் அந்த வரிகளுக்கு உரிய  சரியான baaவம்...

 

In those days (1962?) this song was an experimental song.

 பெண்களின் விரகதாபத்தை "உன்னை கண் தேடுதே" போன்ற பாடலின் மூலம் ஏற்கனவே அப்போது வந்து இருந்தாலும்,  இது போன்ற  style இல் ஒரு   கர்நாடக ராகத்தை இணைத்து கொடுத்த  முயற்சி ஒரு புது முயற்சி

 

பாடலின் ஆரம்பத்திலேயே  மெல்லிய saxophone  நம்மை ஈர்க்கிறது . பாடல் முழுதும் வரிகள் அழுந்திவிடாமல் இசைகருவிகளின் பக்கவாத்தியம் பக்காவாக அமைந்துவிட்டது

 

இந்த tuneனில் உள்ள உணர்வை கண்ணதாசன் வரிகளில் அழகாக கொண்டு வந்துவிட்டார்....

 

 கொஞ்சம் அசந்தாலும் விரசமாக ஆகிவிடக் கூடிய விஷயத்தை அவர் தேர்ந்த கலைஞனாக சிறப்பாக கையாண்டிருக்கிறார்

 

 முத்தாரம் சரிய வைத்தானே

 முள் மேலே தூங்க வைத்தானே

 

நூலாக  இளைக்க வைத்தானே

பாலாக வெளுக்க வைத்தானே

 

 என்று  நாயகியின் நிலையை கூறும் கவியரசர்,

 

 தொடர்ந்து

 

தன்னாலேபேச வைத்தானே

பன்னீரை  கொதிக்க வைத்தானே

தள்ளாடி நடக்க வைத்தானே

 எல்லோரும் சிரிக்க வைத்தானே!

 

என  நிறைவு செய்யும் போது சபாஷ் போட தோன்றுகிறது!

 

பாடலில் இன்னுமொரு சிறப்பு .....     தற்போது Rap என்று சொல்லப்படும் இசை யுக்த்தியை 50 வருடங்களுக்கு முன்னரே இந்தப் பாடலில் உபயோகப்படுத்தி இருக்கிறார்கள்

 

(That whispering between interludes...👇🏽

 

அய்யய்யோ பாவமே

அணையாத மோகமே

அனுபவம் கொஞசமே

அலையுது நெஞ்சமே)

 

பாட்டு ரொம்ப சாஃப்ட் ஆக ஆரம்பித்து soft ஆகவே  ஈஸ்வரி பாடலை நிறைவு செய்யும்போது,  (அம்மம்மா என்ற வரிகளை7 வினாடிகள்  ஒருவித  echo effect உடன் fadeout ஆகும் போது) "நாம் எப்பேர்ப்பட்ட பொற்காலத்தை காலத்தை கடந்து வந்திருக்கிறோம் "என்ற எண்ணம்தான் மேலோங்கி நிற்கும்!

 

கேளுங்கள். இரவு வரை ரிப்பீட் mode இல் இந்த பாட்டு உங்களுக்கு கேட்கும்.

இன்று இரவு  தூங்க போகும் முன் இன்னும் ஒருமுறை கேளுங்கள்.!

Such a simple tune which is fresh even after 60 years. !

 

மீண்டும் சந்திப்போம் /வணக்கம்

 

 ---மோகன்

-- @@@@@@@@@@@@@@@@@@

தேவிகா

பாவமன்னிப்பு”, “பந்த பாசம்”, “அன்னை இல்லம்”, “குலமகள் ராதை “, “ஆண்டவன் கட்டளை”, “கர்ணன்”, “முரடன் முத்து”, “சாந்தி”, “நீல வானம்”, “பழநி” , பலே பாண்டியா போ ன்ற குறிப்பிடும் படியான நிறைய படங்களில் நடிகர் திலகம் சிவாஜி கணேசன் அவர்களுக்கு ஜோடியாக தேவிகா நடித்தார். . இவற்றில் நீல வானத்தில் தேவிகா நடிப்பு அற்புதம்.

“ஆண்டவன் கட்ட‍ளை” என்ற படத்தில் வரும் ஆழகே வா என்ற இந்தப்பாடல், இக்கதையின் ஓட்டத்திற்கும், அந்த கதாபாத்‍தி ரத்திற்கும் கட்டாயமாகத் தேவைதான் . அதை அளவோடு தந்திருப்பார்கள். அதுவும் தேவிகா அவர்கள் பெரிதாக கவர்ச்சி ஏதும் காட்டாமல் தனது கண்களிலேயே உணர்ச்சிகளைக் காட்டி, சிவாஜி யை மட்டுமல்ல‍ அந்த பாடலைப் பார்க்கும் நம்மையும் சுண்டி இழுப் பார்.

=====================================================

இயக்குநர் ஸ்ரீதர் இயக்க‍த்தில் தேவிகா நடித்த “நெஞ்சில் ஓர் ஆலயம், “நெஞ்சம் மறப்பதில்லை” ஆகிய படங்கள் பெரிய வெற்றிப் படங்கள் ஆகும்.

“நெஞ்சில் ஓர் ஆலயம், திரைப்படத்தில் சொன்ன‍து நீதானா என்ற பாடல் வரிகளுக்கு வாயசைத்து நடித்த‍தோடு அல்லாமல் ஏதோ அவரே சிதார் இசைக்கருவியை இசைப்பது போலவே தனது விரல்களால் மீட்டுவதுபோல் நடித்திருப்பது அற்புதம்.

காதல் மன்ன‍ன் ஜெமினிகணேசனுடன் தேவிகா ஜோடியாக நடித்த “சுமைதாங்கி” மிகச்சிறந்த படம். இதை ஸ்ரீதர் டைரக்ட் செய்தார். எஸ்.எஸ். ராஜேந்திரனுடன் தேவிகா நடித்த “அன்பு எங்கே?”, ” வானம்பாடி”, “மறக்க முடியுமா?” ஆகிய படங்கள் குறிப்பிடத்தக்க வை. ஏ.நாகேசுவரராவ், கே.பாலாஜி, முத்துராமன், ஜெய்சங்கர், ஆர்.எஸ். மனோகர், கல்யாணகுமார் ஆகியோருடன் இணைந்து நடித்தவர் தேவிகா.

எம்.ஜி.ஆருடன் “ஆனந்தஜோதி” என்ற ஒரே ஒரு படத்தில் கதா நாயகியாக தேவிகா நடித்தார். பீம்சிங்கிடம் துணை டைரக்டராகப் பணியாற்றிய தேவதாசுக்கும், தேவிகாவுக்கும் காதல் ஏற்பட்டது. இருவரும் மணம் செய்து கொண்டனர். இவர்களுடைய ஒரே மகள் கனகா. “வெகுளிப்பெண்” என்ற படத்தைத் தேவிகா சொந்தமாகத் தயாரித்தார்.

இதை டைரக்ட் செய்தவர் தேவதாஸ். கதை– வசனம் கலைஞானம். மனமொத்த தம்பதிகளாக வாழ்ந்த தேவிகாவுக்கும், தேவதாசுக்கும் கருத்து வேற்றுமை ஏற்பட்டது. இருவரும் பிரிந்தனர். தமிழ், தெலுங்கு, கன்னடம் உள்பட பல்வேறு மொழிகளிலும் 150-க்கு மேற்பட்ட படங்களில் நடித்த தேவிகா, பின்னர் பட உலகில் இருந்து ஒதுங்கி வாழ்ந்தார்.

அம்மா, அக்கா போன்ற வேடங்களில் நடிக்கவில்லை. குடும்பப்பாங்கான படங்களில் நடிக்கப் பொருத்தமானவர் என்ற பெயரைத் தேவிகா பெற்றிருந்தார். சென்னை ராஜா அண்ணா மலைபுரத்தில் உள்ள தன் வீட்டில் தேவிகா வசித்து வந்தார். நெஞ்சு வலி காரணமாக, ஆஸ்பத்திரியில் அனுமதிக்கப்பட்ட தேவிகா 1-5-2002 அன்று மரணம் அடைந்தார். தேவிகாவின் மகள் கனகா பல சினிமா படங்களில் நடித்தார். நடிகர் ராமராஜனுடன் அவர் நடித்த “கரகாட்டக்கார ன்” 52 வாரங்கள் ஓடிய மாபெரும் வெற்றிப்படம்.