செட்டிநாடு நெஞ்செலும்பு முருங்கைக்காய் சாம்பார்

 செட்டிநாடு நெஞ்செலும்பு முருங்கைக்காய் சாம்பார்

நவம்பர் 27, 2020 15:11

எலும்பு சாம்பார் ஒரு செட்டிநாடு அசைவ உணவு, ஆட்டு நெஞ்சு எலும்பில் செய்வார்கள். நெஞ்சு எலும்பும், முருங்கைக்காயும் சேர்த்து சமைக்கும்போது, வீடே மணக்கும்.

தேவையான பொருட்கள்:

 

எலும்பு   - 250 கி

முருங்கைக்காய் – 1

து.பருப்பு – 50 கி

வெங்காயம்– 1

இஞ்சி – பூண்டு விழுது – 1 மேசைக்கரண்டி

தக்காளி – 2

மிளகாய் தூள் – 2 தேக்கரண்டி

தனியா தூள் –  4 தேக்கரண்டி

மஞ்சள் தூள் – ½ தேக்கரண்டி

புளித் தண்ணீர் – 2 தேக்கரண்டி

உப்பு - தேவையான அளவு

 

அரைத்துக் கொள்ள:

 

தேங்காய் – 2 மேசைக்கரண்டி

கசகசா  - 1 தேக்கரண்டி

மிளகு - 1 தேக்கரண்டி

சீரகம் - 1 தேக்கரண்டி

 

தாளிக்க:

 

பிரியாணி இலை – 1

பட்டை - சிறிய துண்டு

கல் பாசி – சிறிது

சோம்பு – 1 தேக்கரண்டி

காய்ந்த மிளகாய்   - 2

கறிவேப்பிலை – 1  கொத்து

நல்லெண்ணெய்  – 2 மேசைக்கரண்டி

 

செய்முறை:

 

வெங்காயம், தக்காளியை பொடியாக நறுக்கி கொள்.

 

முருங்கைக்காயை துண்டுகளாக வெட்டிக்கொள்.

 

எலும்பை நன்றாகக் கழுவி குக்கரில் போட்டு து.பருப்பு, உப்பு, மஞ்சள்தூள் மற்றும் 2 கப் தண்ணீர் சேர்த்து  3 விசில் விட்டு 5 நிமிடங்கள் சிம்மில் வேக வை. 

 

கடாயில் நல்லெண்ணெய் விட்டு, தாளிக்க கொடுத்துள்ள பொருட்களை சேர்த்து பொரிய விடு. 

 

பிறகு பொடியாக நறுக்கிய வெங்காயத்தைச் சேர்த்து பொன்னிறமாகும் வரை வதக்கு. 

 

பின் , தக்காளியைச் சேர்த்து கூழாகும் வரை வதக்கு. 

 

பிறகு, குக்கரில் உள்ள பொருட்களைச் சேர். 

 

பின்  மசாலா தூள் அனைத்தையும் சேர்த்து , முருங்கைக்காய், தேவையான உப்பு சேர்த்துக் கலந்து கொதிக்க வை.

 

புளித் தண்ணீர் சேர்த்து ஒரு கொதி வந்ததும் தேங்காய் விழுதைச் சேர்த்து கொதிக்க வைத்து இறக்கு.

 

சுவையான, மணம் மிகுந்த செட்டிநாடு நெஞ்செலும்பு முருங்கைக்காய் சாம்பார் சாப்பிட தயார்