வேலை மன அழுத்தம்
வேலை மன அழுத்தம் (Work Stress)?
---
ஒருவர் தன்னுடைய பணிசூழலுடன் சகஜமாக இருக்க முடியாவிட்டால், பணி சுமை மற்றும் வேலையினால் மனஅழுத்தம் ஏற்படும்
வேலை மன அழுத்தம் ஏற்படுவதற்கான காரணங்கள்?
- கொடுக்க பட்டுள்ள வேலையை முடிபதற்கான திறன் தன்னிடம் இல்லை என்ற உணர்வு வரும் போது
-வேலை செய்யும் இடத்தில் தன்னால் எந்த ஒரு முடிவுகளையும் சுயமாக எடுக்க முடியவில்லை என்ற எண்ணம் தோன்றும் பொழுது
-பணியிடத்தில் சக ஊழியர்களிடமிருந்து எந்த ஆதரவும் இல்லை என்று நினைக்கும் போது
-செய்கின்ற வேலை திருப்தி அளிக்கவில்லை என்று அடிக்கடி நினைப்பது
-சக ஊழியற்களுடன் கருத்து வேறுபாடு ஏற்படுவது, அவர்களுடன் ஒன்றாக வேலை செய்ய முடியாத சூழல் ஏற்படும் பொழுது
-மன உளைச்சல் ஏற்படும் அளவிற்கு மிகுந்த பணி சுமை இருப்பது
-திட்டமிடப்பட்ட நேரத்தில் வேலையை முடிக்க வேண்டும் என்ற அழுத்தம் அடிக்கடி ஏற்படும் நிலை
- ஷிப்ட் வேலை (தூக்கம் இன்மை, குடும்பத்தினருடன் நேரம் செலவிட இயலாமை)
-வேலை பாதுகாப்பின்மை (எப்பொழுது வேண்டும் என்றாலும் வேலையில் இருந்து எடுத்து விடுவார்கள் என்ற நிலையின்மை)
ஊழியர்கள் வேலை அழுத்தத்தினால் பாதிக்கப்படுவது ஒட்டுமொத்த நிறுவனத்தையும் பாதிக்கும் (முதலாளிகளையும் உட்பட)
வேலை மன அழுத்தம் - அறிகுறிகள்?
இப்பிரச்சினை மனம், உடல், செயல்திறன் மற்றும் அறிவாற்றல் ஆகிய அனைத்தையும் பாதிக்கும்
- சிறிய பிரச்சினைகளுக்கு தேவையில்லாத பதற்றம் அடைதல்
- சிந்திக்கும் சமையம் எதிர்மறை எண்ணங்கள் தோன்றுவது
- சோகமாக இருப்பது
- தலைவலி
- உடல்வலி
- உடல் சோர்வடைதல்
- தனிமையை விரும்புதல்
- சாதாரண விஷயங்களுக்கு மிகுந்த கோப ப்படுதல்
- சிறிய வேலை செய்வதற்கு மிகுந்த சிரமம் ஏற்படுதல்
- கவனம் குறைவது
- மது, புகை போன்ற பழக்கங்கள் அதிகரிப்பது
வேலை மன அழுத்தத்தினால் நிறுவனத்திற்கு ஏற்படும் பாதிப்புகள்:
- ஊழியர்கள் தேவையில்லாமல் அதிக லீவ் எடுப்பது. இது தனிப்பட்ட காரணங்கள், நோய், அதிக பணிசுமை, மது பழக்கம் அல்லது சக ஊழியர்களிடம் கருத்து வேறுபாடு என்ற காரணங்களினால் இருக்கலாம்
- சில ஊழியர்கள் வேலை மன அழுதத்திலும் சரியாக நிறுவனத்திற்கு வருவார்கள்; அவர்களின் உடல் மட்டும் தான் அங்கு இருக்கும், மனம் இருக்காது
- வேலையின் தரம் குறைவாக இருக்கும்
- ஊழியர்கள் வேலையில் ஈடுபாடு இல்லாமல் இருப்பது
- வாடிக்கையாளர்கள் அடிக்கடி புகார் அளிப்பது
- நிறுவனத்தின் நற்பெயர் கெடும்
- இதனால் வருவாயும் பாதிக்கும்
வேலை மன அழுத்தத்தை எப்படி சமாளிப்பது?
ஒவ்வொரு மனிதனும் வேலை செய்யும் இடத்தில் எதிர்பார்ப்பது
- தன்னுடைய திறைமையை வெளிப்படுத்துவதற்கு ஏற்ற இடமாக இருக்க வேண்டும்
- தன்னுடைய தேவைகளை பூர்த்தி செய்யும் விதமாக இருக்க வேண்டும்
- தன்னை மரியாதையுடன் நடத்த வேண்டும்
- வளர்ச்சி பாதையில் இருபதற்கேற்ற வேலையை நாடுவார்கள்
இந்த மன அழுத்தப்பிரச்சனையை சமாளிக்க முதலாளிகளும் தொழிலாளிகளும் சேர்ந்து செயல் பட்டால் மட்டுமே சரி செய்ய முடியும்
ஊழியர்கள் செய்ய கூடியவை?
- சத்தான உணவு
- சரியான தூக்கம்
- உடற்பயிற்சி
- சக ஊழியர்களுடன் நல்ல உறவைப் பேணுங்கள்
- சக ஊழியர்களை ஏளனம் செய்ய கூடாது
- உங்களுக்கு மன குழப்பம் ஏற்பட்டால், உங்கள் குடும்பத்தினர்கள் மற்றும் நண்பர்களுடன் பகிர்ந்து கொள்ளுங்கள். மற்றவர்களிடம் உங்கள் பிரச்சினைகளை சொல்லும் போதே வேதனை குறையும்
- நம்பத்தகாத உயர் எதிர்பார்ப்புகளைத் தவிர்க்கவும்
- நம்பிக்கையுடன் சிந்திக்க கற்றுக்கொள்ளுங்கள்; எதிர்மறை எண்ணங்களை தவிர்க்கவும்
- கட்டுப்படுத்தக்கூடிய பிரச்சினைகளை பற்றி மட்டுமே சிந்தியுங்கள்; சில பிரச்சினைகளை என்ன செய்தாலும் நம்மால் கட்டுப்படுத்த முடியாது, அதை பற்றி சிந்திகாதிர்கள்
- நகைச்சுவை உணர்வோடு பேச பழகுங்கள்
- பிரச்சினைகளுக்கு உணர்ச்சிவசப்பட்டு முடிவு எடுக்காதீர்கள்; பிரச்சினை என்ன என்று தீர ஆராய்ந்து முடிவு எடுங்கள்
- ஆல்கஹால் மற்றும் புகைப்பழக்கத்தை தவிர்பது நல்லது
முதலாளிகள் செய்ய கூடியவை?
- ஊழியர்களுக்கு சரியான ஓய்வு நேரம் இருப்பதை உறுதி படுத்த வேண்டும்
- ஊழியர்களின் பிரச்சினைகளை கேட்டு அறிந்து தீர்வு காண வேண்டும்
- ஊழியர்களின் திறமைக்கு ஏற்ப சவாலான வேலைகளை கொடுங்கள்; அதிக பணி சுமை கொடுக்காதீர்கள்
- ஊழியர்களின் வேலையைப் பற்றி பின்னூட்டங்களைக் கொடுங்கள், அவர்கள் தவறுகளை திருத்திக்கொள்ள நல்ல வாய்ப்பாக அமையும்
- ஒவ்வொரு ஊழியருக்கும், தனக்கு கீழ் என்னென்ன வேலைகள் இருக்கிறது என்பது தெளிவாக இருக்க வேண்டும்; இதனால் தேவை இல்லாத குழப்பங்களை தவிர்க்கலாம்
- ஊழியர்களின் திறமையை மேம்படுத்த அவ்வபோது பயிற்சிகள் அளிப்பது அவசியம்
- வேலை செய்யும் நேரத்தில் சிறு இடைவெளி அளித்தால், மன அழுத்தம் குறையும்
- வேலை இடத்தில் எல்லோரும் நண்பர்களாக இருக்கும் சூழலை உருவாக்குங்கள்
- வேலையை திறமையாக செய்து முடித்தால் பாராட்டுகள் மற்றும் வெகுமதி அளியுங்கள்
- அனைத்து ஊழியர்களையும் மரியாதையுடன் நடத்துங்கள்; அவ்வாறு செய்தால் ஒவ்வொருவரும் சக ஊழியர்களையும் மரியாதையுடன் நடத்துவார்கள்
- ஊழியர்களுக்கு அவ்வபோது மன அழுத்தம் ஏற்படும், ஆனால் தொடர்ந்து அப்படி மன அழுத்தம் இருந்தால் அருகில் உள்ள மருத்துவரை அணுக ஏற்பாடு செய்யுங்கள்
நன்றி
டாக்டர்.வி.யு.கார்த்திகேயன் எம்.டி.
ஆலோசகர் மனநல மருத்துவர்
இந்திரா மைண்ட் கிளினிக்
Comments