தீபாவளி மலர் 2020 (2 )

 

 

தீபாவளி மலர் 2020

பீப்பிள் டுடே இணைய பத்திரிகையின் 

தீபாவளி மலரை ( 2020)
14.11.2020
 உங்களுக்கு 
வழங்குகிறோம் 
சென்ற 2019ம்  வருடத்திலும் 
இணைய பத்திரிகை தொடங்கிய 10 நாட்களுக்குள் 
வழங்கினோம் 
அப்போது  ஒவ்வொரு  பகுதியாக இலக்கியம். Aanmigam.கவிதை இப்படி 
இந்த வருடம் புத்தகம் போல  தொடர்ந்து வாசிக்கும் படி அமைத்துள்ளேன். நமது 

பத்திரிகைகளின் பாரம்பரியம் போல தான்  இந்த மலரிலும் 
கவிதை. சிறுகதை. கட்டுரை. ஆன்மீகம். சமையல். நிழற்படம். ஓவியம். சினிமா, சிரிப்பு இப்படி அனைத்தும் இருக்கும் 

 எங்கள் இணைய பத்திரிகை சிறிய அளவில் தான் வளர்ந்து கொண்டு வருகிறது. 
பிரபலங்கள் எழுத்துக்ளை பெறுவது கடினம் 
உங்களை போல நண்பர்கள் வாசகர்கள் இவர்களின் படைப்புகளே 
இந்த மலரின் சிறப்பு அம்சம். படைப்புகளை ஒரே மலரில் முழு மையாக கொடுக்க நினைத்தேன். அதற்கு இணையம் சரி பட்டு வரல. அனைத்தும் பதிவேற்றுவது கடினம். ஆகவே மூன்று மலர்களாக வழங்கியுள்ளேன் 
பாருங்க. படியுங்க 
நண்பர்களுக்கும் வாசகர்களுக்கும் தீபாவளி திருநாள் நல் வாழ்த்துக்கள் 

உங்கள் 
உமாகாந்த்                                           

===============================================================================

கவிதை

 

கசடறல்

        ( To err and correct  )      

அடித்து  எழுதுங்கள் 

குழந்தைகளே 

அழித்து  எழுதுங்கள் 

தவறெனத்  தெரிந்தவுடன் 

திருத்தி  எழுதுங்கள் 

 

தவறுகள்  நிரம்ப  வருமென்று

எழுதத்  தயங்கி  ஒதுங்காதீர்

தவற்றைச்  சுட்டிக்  காட்டியதும்

சரியாய்  எழுதி  வெல்லுங்கள்

 

முதல் முறை  எழுதும்போதே

தவறின்றி  எழுதிய  தெல்லாம்

மனதில்  தங்காது

தவறாய்  எழுதிக்  குட்டுப் பட்டுத்

திருத்திக்  கொண்டால்

எளிதில்  மறவாது

 

பிறரும்  தவறுகள்  செய்யலாம்

ஒருமுறை  பரிவாய்ச்  சொல்லுங்கள்

பெரிதாய்  அதையே  முன்வைத்து

பலமுறை  குறையாய்ப்  பேசாதீர்

 

 

உலகம்  வியக்கும்  உண்மைகள் கண்ட

அறிவியல்  அறிஞர்  பல்லோரும்

தவறு  செய்து  சருக்கிய  பின்பு

திரும்ப  முயன்று  வென்றவரே

 

தவற்றை  ஒப்புக்  கொள்ளாமல்

படிப்பினை  பெற்றுத்  திருந்தாமல்

தவற்றில்  உழல்வார்  சிலருண்டு

அவர்களை  விட்டு  விலகுங்கள்

 

அறியாத்  தவறுகள்  குறையில்லை

தவறி  விழுவது  பிழையில்லை

விழுந்த  பின்னர்  துவளாமல்

எழுந்து   நிமிர்வதே  வெற்றி

வெ,பெருமாள்சாமி

///////////////////////////////////////////////////////////////////////////////////////////////////////////////////////////////////////////

மாமிசங்களின் கதை 

மாடிக்கார  மனித மாமிசம் 

மீன் மாமிசம் நறுக்கிவிட்டு 

மிச்ச மாமிசத்தைத் தெருவில் எறிந்தது . 

நொண்டி நாய் மாமிசம் 

அதைச் சாப்பிட மூன்று காலில் பாய்ந்தது . 

கார்க்கார மாமிசம் 

பிரேக்கை அழுத்த மறந்ததால் 

நாய் மாமிசம் மீன் மாமிசத்துடன் கலந்தது. 

சற்று நேரம் பொறுத்துப் பார்த்தால் 

காக்கை மாமிசங்கள் 

நாய் மீன் மாமிசங்களுக்குச் சண்டையிட்டுக் கொண்டிருந்தன.   

 

--ஸ்ரீதர் சாமா 

==============================================================================

நகைச்சுவை கட்டுரை

 

முறுக்காயணம்

 

அதிரசாபாசத்துக்கு அடுத்த படியா நேத்து நான் பண்ணின முறுக்கு தான் ஹைலைட்!

நான் எது ஆரம்பிச்சாலும் அது ஒரு ஃபேரி டேலா அமையறது!

நேத்திக்கு முள் முறுக்கு பண்ணலாம்ன்னு ஆய்த்தமாயிண்டேன்.

ஆஃபீஸ் வேலையை முடிச்சுட்டு மத்யானம் மூணரை மணிக்கு கண்ணை சொக்கினாலும் நோன்னு சொல்லிட்டு ஜாக்கிரதையா மீடியம் ஃப்ளேம்ல வைச்சு பருப்பை வறுத்து ஈர அரிசியை உலர்த்தி எடுத்து வைச்சுட்டு காத்துண்டு இருந்தா இவரென்னமோ தூக்கமான தூக்கம்.

ஐஞ்சேகாலுக்கு அரக்கப்பறக்க எந்திருந்து பெரிய களேபரம் பண்ணிட்டு என்னமோ வாளெடுத்துண்டு போருக்கு போகும் கிரேக்க வீரனாட்டம் அரிசியை எடுத்துண்டு மெஷினுக்கு புறப்பட்டு போனார். முக்கா மணிக்கூர் திரும்பி வர. க்யூவாம். (இருக்காதா பின்னே?) சாயங்காலம் எண்ணெய் வைச்சு முறுக்கு பண்ணலாம்ன்னு மைண்ட் மில்க் குடிச்சுண்டு இருந்த எனக்கு எதிர்பாராம ஆஃபீஸ் ஒர்க்.

அதுல உக்காண்டதுல ரெண்டரை மணி நேரம் பறந்து போச்! இனி என்னத்த முறுக்கெல்லாம்? சரி விடுவோம். கார்த்தால சீக்கிரம் எழுந்து பார்த்துக்கலாம்ன்னு விட்டேன்.

ஆனா நைட்டு படுத்துக்கறச்சே நான் பண்ணின ப்ளானிங் இருக்கே? எதையும் ப்ளான் பண்ணித்தான் பண்ணோணும். தெரியும்ல?

அரிசிமாவு.. செக்

வறுத்த பருப்புமாவு.. செக்

பெருங்காயம் .. இருக்கு, கார்த்தால கட்டியை ஊறப்போடணும் .. செக்

வெண்ணை ... ஃப்ரீஸர்லேந்து எடுத்து ரூம் டெம்ப்ரேச்சருக்கு மாத்தியாகணும் .. செக்

சீரகம் - புதிய பாக்கெட் இருக்கு .. செக்

உப்பு - இருக்கு- செக்

ப்பா.. இந்த ப்ளானிங் இருக்கே.. இதுக்கே உனக்கொரு நோபல் கொடுக்கலாம்டி. உன்னையெல்லாம் அடிச்சுக்கவே முடியாது டி அனன்யேன்னு பல்லை இளிச்சுண்டே தூங்கினதுல கார்த்தால தாடையெல்லாம் பெருவலி.

கார்த்தால பல்லைத்தேய்க்கும் போது தான் முறுக்கு உழக்கு எங்கே இருக்குன்னு குழம்பினேன். இத்தனையும் யோசிச்சியே, உழக்கில்லாம முறுக்கெப்படி பண்ணுவே? தட் மண்டை மேல கொண்டையை மறந்த மொமெண்ட்!

பல் தேய்ச்சுண்டே பாத்ரூம் கண்ணாடியில் தெரிஞ்ச அனன்யாவுடன் இண்டர்ராகேஷன் நடந்தேறியது

எங்கே உழக்கு?

ஆ. அது அந்த அலமாரி மேல் ஷெல்ஃப்ல வைச்சோமே அன்னைக்கு?

பாத்ரூம் கண்ணாடி மாதிரி என்னுடைய நினைவும் ஒரே கலங்கலா இருந்தது.

ஆ.. அங்கேயா இருக்கு? ஐ டோண்ட் தின்க் ஸோ..

அட போய்யா.. அங்கே தான் இருக்கும். இல்லாட்டா இருக்கவே இருக்கு கீழ் ஷெல்ஃப்...

கீழ் ஷெல்ஃப்ல வைச்சிருந்தா தினப்படி அரிசி எடுக்கறச்சே கண்ல படுமே? படலையே?

ஹேய்.. அந்த தள்ளுவண்டி? அந்த ஃப்ரிஜ்ஜுக்கும் அலமாரிக்கும் இடைப்பட்ட தவ்ளூண்டு இடத்தை அந்த தள்ளுவண்டிக்கு குத்தகைக்கு விட்ருக்கேன். அதுல தான் எண்ணை, ஊறுகாய்லாம் வைச்சாறது. அதுல இருக்கும் அனேகமா.

ஹா.. தள்ளுவண்டியா.. அதுல இருக்கற அண்ட சராசரத்து தூசியை துடைக்கணுமா இப்போ? ஆத்தாடி.. நம்மாலாகாது.. இன்னைக்கு முறுக்கு பண்ணினாப்புல தான்.

இப்படியா இன்க்கி பின்க்கி பான்க்கி போட்டு முறுக்கு உழக்கை பாத்ரூம் கண்ணாடியில் கற்பனையா தேடாம, நேர்ல போயே தேடிட்டா என்னன்னு தோணித்து.. வாயை கொப்பளிச்சுண்டு வெளீல வந்தேன். தேடுற வேலைக்கு ரொம்ப பொறுமை தேவைப்படுறதால அதை அவுட்சோர்ஸ் பண்ணிடுறது.

"கொஞ்சம் இங்க வாங்கோளேன்.."

அகாலத்துல வேலை ஏவினா இவருக்கு உடனே வயத்தை கலக்கிடும்.

இவருடைய ஜபிக்கற ப்ரோக்ராமில் ரெண்டு மணித்துளிகள் முன்ன பின்ன ஆச்சோ.... அவ்ளோ தான்.. அனீஸியா ஃபீல் பண்ணுவார்.

ஏதோ கொஞ்சம் பெரிய மனசு பண்ணி அக்காமடேட் பண்ணினார்.

அலமாரி மேல் ஷெல்ஃபில் பார்த்தார். கீழ் ஷெல்விலேயும். எல்லா ஷெல்ஃபிலும் . உழக்கை காணோம். ஒன்பது மணிக்கப்புறம் தேடித்தர்றேன்மா. ஆ! அட்லீஸ்ட் கிடைக்கும்ன்னு ஹோப் இருக்கே இவருக்கு? நமக்குத்தான் இல்லை. எங்கே போய்ருக்கும்?

சீக்கிரம் வேலையை முடிச்சுட்டு ஆஃபீஸ் வொர்க்ல உட்காரலாம்ன்னா முறுக்கு உழக்கை காணோமே?

அம்மாக்கு ஃபோனை போட்டேன். தங்கை எடுத்து அம்மா குளிக்கறான்னு சொன்னா.

ஹ்ம். இப்பென்ன குளியல் இந்த அம்மாவுக்கு? ஈவில் அனன்யா வந்து, "டீ அனன் யே, பூலோகத்துல எல்லாரும் விடிஞ்சதும் குளிப்பா, உன்னாட்டம் கிடையாது"

ம்ம். கரக்டு தான். வரட்டும் கேட்கலாம்.

பிள்ளையாரை வேண்டிண்டேன்.

நம்பினார் கைவிடப்படார்.. படார் படார்ன்னு முட்டிக்கலாம்ன்னு தோணித்து. இவ்வளவும் ரெடி பண்ணிட்டு உழக்கை மறந்து தொலைச்சுட்டோமே? போச்சா சோடமுத்தான்?

எதுக்கும் இருக்கட்டும்ன்னு தள்ளு வண்டியையும் தள்ளி தேடியாச்சு. அதை ஒழுங்கு பண்ணினதான் மிச்சம். உழக்கு? ம்ஹூம்

ஹாங்! கேஸ் அடுப்புக்கு கீழ ஒரு கதவிருக்கே அதுக்குள்ளே இருக்கும்.புட்டு மேக்கர், வடாத்தட்டு, ஸ்டாண்டு இதெல்லாம் தான் வைச்சிருக்கேன். ஞாயமா இங்க தானே உழக்கையும் தட்டையும் வைக்கணும்? ஏன் வைக்கலை?

ம்ஹூம் காணோம்.

ஆஹ்ஹா. அப்போ தீபாவளிக்கு முறுக்கு கிடையாதா? Back up plan என்ன? தட்டை சீடை மாதிரி பண்ண வேண்டியது தானா?

இல்லேன்னா லாக்டவுன்ல பக்கத்துல பாத்திரக்கடையில் போய் சிப்ஸ் கட்டர் வாங்கினாப்புல வேணும்னா... ஒரு ஹிண்டேலியம் முறுக்கு உழக்கு...

இன்னும் அந்த ஆப்ஜக்டை நினைச்சு கூட முடிக்கலை அதுக்குள்ளே

இம்மீடியட்டா அஷ்டபுஜ துர்க்கை ப்ரத்யக்ஷம்.

ஃபோன் வந்துடுத்து. அம்மா தான்.

என்னம்மா?

இப்படி இப்படி உழக்கு மிஸ்ஸிங்மா.. பார்த்தீங்களா?

நாந்தான் அந்த ஷெல்ஃப் கிட்டக்க எஸ் கொக்கில ஒரு துணிப்பைல போட்டு வைச்சுருக்கேன். எதையும் சிஸ்டமாட்டிக்கா வைக்கமாட்டியே..அது தான் ஞாபகமா ஒரே இடத்துல இருக்கட்டும்னு வைச்சேன். என்ன? யூஸ் பண்ணிட்டு மறுபடியும் அதே பைல போட்டு கொக்கீல மாட்டிடு

ஓடிப்போய் தேடினப்போ எஸ் கொக்கீல தொங்கின பைக்குள்ளே மூணு அச்சு அழகா கிடைச்சது. மா.. கிடைச்சுடுத்துன்னு கண்ல ஆனந்தக் கண்ணீர் பொங்கி, ஃபோட்டோ காமிச்சப்புறந்தான் அம்மா ஆஃப்லைன். அம்மான்னா அம்மா தான்.

மைண்ட் வாய்ஸ்: அந்த பெருங்காயத்தை ஊறப்போட்டுட்டு இந்த வெண்ணையையும் எடுத்து வெளீல வைச்சுட்டு தேட ஆரம்பிச்சிருந்தா இன்னேரம் எல்லாம் தயார் நிலையில் முறுக்கு பண்ண ஆரம்பிச்சுருக்கலாம் இல்லே?

ஈவில் அனன்யா : ஆமா. முன்னாடியே எல்லாம் தயார் நிலையில் ஆனதும் முறுக்கு உழக்கு பெர்மனெண்டா காணாப்போன செய்தி கிடைக்கும். அல்லது உழக்கு கிடைச்சாலும் கிடைக்கும். முன்னூறு தட்டு இருந்தாலும் ஒண்ணு கூட உழக்குக்கு சேராது. முத்துச்சரம் பண்ணலாம்ன்னா ரிப்பன் தட்டு மட்டுந்தான் கைக்கு ஆப்படும்! அல்லது தட்டுகள் இருக்கும் டப்பா மட்டும் மொத்தமா மாயம் ஆகியிருக்கும்!

அடியேய் ஈவில்!!!!

 

அனன்யா 

 

///////////////////////////////////////////////////////////////////////////////////////////////////////////////////////////////////////////

 

ஒவியம்

 

 

லதாரகு

 

=================================================================

 

அர்ஜுன்கலை

 

==============================================================

 

நிழற்படம்

 

 

சத்யநாரயணராவ்

///////////////////////////////////////////////////////////////////////////////////////////////////////////////////////////////////////////////

kochin chinese net

 

சாமுவேல்

pondichery 

கனகஜோதி

 

mysore palace

லாசரஸ் 

 

 

 

===========================================================================

சிறுகதை

 

" அன்பு சூழ் உலகு "

"  மோகனா.. மோகனா.."

"சட்டென பொங்கிய பாலை அடுப்பில் இருந்து இறங்கி வைத்து விட்டு சுதாரித்து கொண்டு சொல்லுங்க என்றாள்" மோகனா..

" என்ன யோசனை?" என்றான் ராம்..

" எல்லாம் கற்பகம் அம்மாவை பற்றி தான்" என்றாள்..

" ஏன் அவங்களுக்கென்ன? "

" இந்த லாக்டவுனால் ஓரளவுக்கு மிடில் கிளாஸ் குடும்பமான நாமே ரொம்ப தவிச்சு போயிட்டோம்..

கற்பகம் அம்மா நிலைமை நினைத்து தான் ரொம்ப கவலை.. இந்த வருஷம் அவங்க பொண்ணுக்கு தலை தீபாவளி வேற.. பாவம் ரொம்ப சிரம படுவாங்க.."

கற்பகம் அம்மா மோகனா வசித்த பழைய தெருவில் குப்பைகளை சேகரிக்கும் தூய்மை பணியாளர்..

அந்த தெருவில் உள்ள அனைவரும் கற்பகம்மாளை பெயர் சொல்லியே அழைப்பர்..ஆனால் மோகனா மட்டுமே வாஞ்சையுடன் கற்பகம்மா என அழைப்பாள்..

மோகனா ஒரு நாள் வாசலில் குப்பை டப்பாவை வைக்கவில்லை என்றாலும், "என்னம்மா ஆச்சு.. வேலையில் மறந்துட்டயா? , உடம்புக்கு ஏதும் சரியில்லையா இரண்டு நாளா  வெளியில் வரலையேனு " அக்கரையோடு கற்பகம் விசாரிப்பாள்..

வேலை முடித்துவிட்டு வீட்டுக்கு போகறப்ப வந்து கேட்டுட்டு மோகனா வீட்டு வாசலை சொல்லாமலேயே சுத்தம் செய்து கொடுப்பாள் கற்பகம்..

" மோகனா வுக்கு பொதுவாகவே இரக்க சுபாவம்.. கற்பகத்துக்கு மட்டுமில்லை.. அந்த தெருவில் காய் விற்பவர், உப்பு விற்பவர் , கோலமாவு விற்கும் பாட்டி என அனைவர் மீதும் அன்பாகவே இருப்பாள்.."

"அவர்களும், அவர்கள் மனக்குறையை மோகனாவிடம் கொட்டுவார்கள்.. அவர்களுக்காகவும் மோகனா ப்ரார்த்தனை செய்வாள்
"

" ஆனால் , ராம் எதார்த்தவாதி..எதற்கும் அலட்டிக்க மாட்டான்.. நடப்பவை நடந்தே தீரும்.. நம்மால் மாற்ற முடியாது"  என நினைப்பவன்..

இப்பொழுதைய கவலை எல்லாம் தன் நிலைமையை விட வறுமைகோட்டிற்கு கீழ் இருக்கும் கற்பகம்மாள் வீட்டு கவலை தான் மோகனாவை பெரிதாய் உறுத்தியது"

"ராம்.. இந்த வருஷம் தீபாவளிக்கு நீங்க எனக்கு எந்த பட்ஜெட்க்கு புடவை, பாப்பாக்கு எவ்ளோக்கு வாங்கி கொடுக்கனும்டு முடிவு பன்னியிருக்கீங்க? " என்றாள்..

" எனக்கு ஏதும் வேண்டாம் மோகனா.. உனக்கு 5000-6000, பாப்பாக்கு 4000 முடிவு பன்னியிருக்கேன்.. அதற்கு மேல் பட்ஜெட் முடியாதுமா " என்றான்..

" பாப்பாக்காக வெடி பாக்ஸ், ஸ்வீட் பாக்ஸ் "

"ராம்.. நான் ஒன்னு சொல்றேன்.. கேட்கறீங்களா?"

" சொல்லு மோகனா ! "

" இல்லை எனக்கும் பாப்பாக்கும் சொன்ன அந்த 10000 ரூபாய், அப்புறம் வெடி பாக்ஸ், ஸ்வீட் பாக்ஸ் எல்லாத்தையும் கற்பகம்மா கிட்ட கொடுப்போமா என்றாள்"

" என்ன மோகனா..நம்ம குழந்தை ஏங்க மாட்டாளா? என்றான்.."

" சின்ன குழந்தைங்க அவ.. நம்ம செஞ்ச புண்ணியம்.. இயற்கையாவே எல்லாத்தையும் புரிஞ்சுக்கற மனசு இறைவன் அவளுக்கு கொடுத்து இருக்கான்.. அவளுக்கு நவராத்திரி அப்போ சுஜா மாமி ஆத்தில் வைத்த பட்டுபாவாடை அப்படியே இருக்கு.. புதுசு தான்.. அதை தீபாவளிக்கு போட்டு விட்டுறளாம்.. தீபாவளி ஸ்வீட் வீட்லயே அவளுக்கு பிடித்த குலோப் ஜாமூன் செஞ்சு கொடுத்திடலாம்..நீங்க என்ன சொல்றீங்க?"

" ....."

" என்ன ராம் சொல்லுங்க.. உங்களுக்கு விருப்பம் இல்லைனா வேண்டாம் "

" சிரித்தபடியே சொன்னான் ராம்.. தனக்கு இது  வேணும், அது வேணும்னு கேட்பாங்க.. நீ என்னன்னா இப்படி அடுத்தவங்க முகத்தில் சந்தோஷத்தை பார்க்க உன் சந்தோஷத்தக கூட தள்ளி வைக்கிற" என்றான்..

" அதில்லைங்க.. ஏதோ நம்மால் முடிந்தது.. இந்த வருட தீபாவளியை சிம்பிளா கொண்டாடுறதில் நமக்கு பெரிதாய் ஏதும் பாதிப்பு இல்லை.. ஆனால் கற்பகம்மா வீட்டில் அப்படியில்லை.. அவங்க பொண்ணுக்கு தலை தீபாவளி .. ஏதோ கொஞ்சமாவது அவங்க சக்திக்கு அவங்க பொண்ணுக்கு செய்யனும்னு ஆசை இருக்கும் இல்லையா..

அவ்வளவு ஏன்.. ? நம்ம தலை தீபாவளிக்கு நீங்க எவ்வளவோ சொல்லியும் எங்கம்மா எங்கப்பா கேட்டாங்களா? அவங்க சக்திக்கு மீறி செஞ்சாங்கல்ல.. அப்போ ஏன் இப்படி எனக்காக கஷ்டபடுறீங்கனு சொன்னப்போ , எங்கப்பாவும் அம்மாவும் இதில் தான் மா எங்களுக்கு சந்தோஷம்னு சொன்னாங்க..

கற்பகம்மாவும் அப்படி தான நினைப்பாங்க..
இந்த லாக்டவுனால் எல்லாருக்கும் பணபிரச்சனை வேற..பாவம் அதான் " என்றாள்..

" சரி.. மத்தவங்களை சந்தோஷபடுத்தி பார்க்கறது தான் உண்மையான தீபாவளினு எங்கப்பா சொல்வார்..
..நாளை அவங்க கிட்ட கொடுத்திடு" என்றான் ராம்

மறுநாள் கற்பகம்மா, கிட்ட கொடுத்து ஹேப்பி தீபாவளிம்மா.. என்றாள்.. 

" உன் குடும்பம் நல்லா இருக்கனும் தாயி.. உன் நல்ல மனசுக்கு நீ நல்லா இருப்ப" என்று சொல்லியபடியே கண்ணில் வழிந்தநீரை புடவையால் துடைத்து சென்றாள்..

சமையல் வேலையில் மூழ்கி இருந்த மோகனா காலிங்பெல் அடிக்க.. கதவை திறந்தாள்..

கொரியர் வந்திருக்கு.. கையெழுத்து போடுங்க..என்றார் கொரியர் பாய்..

வீட்டுக்குள் வந்து பார்சலை பிரித்து பார்த்தாள்.. அதில் பட்டு புடவை, பட்டு பாவாடை, அவள் கணவருக்கு வேஷ்டி சட்டை என இருந்த்து..

கொரியரில் இருந்த முகவரிக்கு போன் செய்து விசாரித்தாள்..

" எதிர்திசையில் போனில் பேசியவர்" மேடம், நீங்க ஆறு மாசத்துக்கு முன்னால் எங்க கடையில் பர்சேஸ் பன்னியிருந்தீங்க.. அப்போ உங்களுக்கு பரிசு கூப்பன் கொடுத்திருந்தோம்.. 1000 பேருக்கு அவங்க என்ன துணி எடுக்கறாங்களோ அதே மதிப்பில் ஆடை பரிசு என அறிவித்திருந்தோம்.. அதில் உங்க குடும்பம் தேர்வாகியிருக்கிறது.. லாக்டவுன் சமயம் என்பதால் உடனே பரிசை அனுப்ப முடியலை.. அதான் தீபாவளி சமயத்தில் வாடிக்கையாளருக்கு வழங்கியுள்ளோம்.. " என்றார்..

" ரொம்ப நன்றிங்க " என்றாள் மோகனா..

" ராம் வீட்டிற்கு வந்ததும் , " பார்த்தீங்களா ராம்.. நான் ஏதோ பெரிசா என் சந்தோஷத்தை விட்டு கொடுத்தேனு சொன்னீங்க.. கடவுள் பாருங்க இப்போ நமக்கு  நாம் எதிர்பாராத பரிசு கொடுத்திருக்கார் என்று பார்சலை காட்டி விவரத்தை " சொன்னாள்..

" அன்பு சூழ் உலகு மோகனா.. நாம என்ன மத்தவங்களுக்கு கொடுக்கறோமோ.. அது தான் நமக்கு திரும்ப கிடைக்கும்" என்றான்

" ஐ.. சூப்பரான டிரஸ்.. செலிபிரேசன் மூடு ஸ்டார்ட்" என்று குழந்தை யாழினி சொல்ல அவர்கள் வீடே அவர்களின் சிரிப்பில் மத்தாப்பூவாய் ஒளிர்ந்தது.. 

அனைவருக்கும் தீபாவளி வாழ்த்துக்கள்
# ஜெயந்தி சதீஷ் , ஸ்ரீவில்லிப்புத்துர்

===============================================================================

ஆன்மிகம்

கிறிஸ்துமஸ் வரலாறு

*விண்ணுலகில் இருந்து மண்ணுலகில் மனிதனாக அவதரித்த இறை தூதர் இயேசுபிரான் #Christmas*

சென்னை: இயேசு கிறிஸ்து 2000 ஆண்டுகளுக்கு முன்பாக பாவங்களிலும் மூட நம்பிக்கைகளிலும் மூழ்கிக்கிடந்த மக்களை நல்வழிப்படுத்த தேவன் இயேசு, மேய்ப்பனாக வந்தார். தனது ரத்தத்தை ஒப்புக்கொடுத்து பாவிகளை மீட்டெடுக்க வந்த மீட்பர். தேவதூதன் அவதாரம் பற்றிய கதைகளை கேள்விப்பட்டிருந்தாலும் கிறித்துமஸ் கொண்டாட்டம் பற்றிய வரலாறை இந்த கிறிஸ்துமஸ் கொண்டாடப்படும் நாளில் தெரிந்து கொள்வோம்.

இயேசுவின் ஜனனம் எப்போது நிகழ்ந்தது என்று பலரும் பலவிதமாக சொல்லப்பட்டாலும் நடுக்கும் குளிரில் எங்கும் தங்க இடம் கிடைக்காமல் சூசையும் மரியாளும் ஊரின் ஒதுக்குப்புறமாகவிருந்த ஆடுமாடு அடைக்கும் கொட்டில் பக்கம் தங்க நேரிட்டது..." என்ற வேத வசனங்களின் அடிப்படையில் நான்காம் நூற்றாண்டில் கிறிஸ்தவத்தேவாலயங்கள் ஒன்றுகூடி இயேசு கிறிஸ்து பிறப்பை கொண்டாடுகின்றன.

முதன் முதலில் கிறிஸ்துமஸ் ஜனவரி 6ம் தேதி கொண்டாடப்பட்டதாக பழைய ஜூலியன் நாட்காட்டி குறிப்புக்கள் தெரிவிக்கின்றன. ரோமாபுரி நாட்டின் அதிகாரப்பூர்வமான விடுமுறை தினமாகவும் அனுசரிக்கப்பட்டதாகவும் பின்னர் கிரகோரியன் நாட்காட்டிப்படி 1743லிருந்து டிசம்பர் 25ம் தேதிக்கு மாற்றப்பட்டதாக வரலாற்றுக் குறிப்புக்கள் அதிர்ந்து அறிவிக்கின்றது! இந்த நாளை அதிகாரப்பூர்வமாக அறிவித்தவர் அன்றைய போப்பாண்டவர் ஜூலியஸ்

இயேசு கிறிஸ்துவின் பிறந்த தினம்தான் கிறிஸ்துமஸ் என்பது அனைவருக்கும் தெரிந்த ஒன்றுதான். ஆனால் இயேசுநாதர் எப்போது பிறந்தார், கிறிஸ்துமஸ் என்ற வார்த்தையின் பின்னணி ஆகியவை சுவாரஸ்யமானது. கிறிஸ்துமஸ் பண்டிகையை முதன் முதலில் 4வது நூற்றாண்டை சேர்ந்த மேற்கத்திய கிறிஸ்தவர்கள் கொண்டாடியதாக சில வரலாற்று குறிப்புகள் உள்ளன. ஆனால் வேறு சில பிரிவுகளை சேர்ந்த கிறிஸ்தவர்கள் அதற்கு மறுப்பு தெரிவித்து, ஜனவரி 6ம் தேதி இயேசு பிறந்ததாகவும் கொண்டாடினர்.

கிறிஸ்துமஸ் என்ற வார்த்தை "கிறிஸ்ட் மாஸ்" என்ற 2 வார்த்தைகளின் இணைப்பு மூலம் உருவானது. இயேசு கிறிஸ்து பிறந்த ஆண்டு சரியாக தெரியவில்லை என்பதால், கிமு 7க்கும் கிமு 2க்கும் இடைப்பட்ட காலத்தில் அவர் பிறந்திருக்கலாம் என்று வரலாற்று ஆசிரியர்கள் கருதுகின்றனர். அதேபோலவே யூதர்களின் பருவகாலம், நாள் காட்டிகள் மூலம் கணக்கிட்டு, ஒரு யூக அடிப்படையில் தான் டிசம்பர் 25ம் தேதி கிறிஸ்துமஸ் பண்டிகையாக கொண்டாடப்படுவதாக சில வரலாற்று ஆசிரியர்கள் தெரிவிக்கின்றனர்.

எப்படி இருப்பினும் கிறிஸ்துமஸ் பண்டிகை என்பதை உலகம் முழுவதும் கிறிஸ்தவ மக்கள் மிகச் சிறப்பான நாளாக கொண்டாடி மகிழ்கின்றனர்.

இந்தத் தினத்தை கிறிஸ்துவர்கள் விசேஷமாக கருதுவதால் அன்றைய தினம் பல புதிய பணிகளைத் தொடங்குவதையும் அவர்கள் வழக்கமாகக் கொண்டுள்ளனர். கிபி 800ம் ஆண்டு கிறிஸ்துமஸ் பண்டிகை அன்று, சார்லிமேனி என்ற பேரரசன் மன்னராக பதவியேற்றான். அதன்பிறகு கிபி 855ம் ஆண்டு இட்முண்ட் என்ற தியாகி மன்னராக முடி சூட்டப்பட்டான்.

கடந்த 1066ம் ஆண்டு இங்கிலாந்து மன்னன் வில்லியம் 1 மன்னராக முடிசூட்டப்பட்டார். மேலும் 1377ம் ஆண்டு இங்கிலாந்து மன்னன் ரிச்சார்ட் 2 கிறிஸ்துமஸ் பண்டிக்கையை மிக விமர்சியாக கொண்டாடினார். கடந்த 1643ம் ஆண்டு இந்தோனேஷியாவில் கண்டுபிடிக்கப்பட்ட புதிய தீவுக்கு "கிறிஸ்துமஸ் தீவு" என்று பெயரிடப்பட்டது. இப்படி கிறிஸ்துமஸ் பண்டிகை நாட்டு மக்களிடையே பிரபலமடைந்து, பின்னர் உலகமெங்கும் விமரிசையாக கொண்டாடும் வழக்கம் உருவானது.

கிறிஸ்துமஸ் பண்டிகையை ஓட்டி வரலாற்றில் சில ருசிகரமான சம்பவங்கள் நடைபெற்று உள்ளன. பண்டைய காலத்தில் வாழ்ந்த பாரசீகர்களும், பாபிலோனியர்களும் கிறிஸ்துமஸ் பண்டிகையை வருடத்தின் நல்ல நாளாக கொண்டாடி வந்தனர். கிறிஸ்துமஸ் பண்டிகை அன்று, பாரசீக நாட்டில் உள்ள எல்லா அடிமைகளுக்கும் ஒருநாள் விடுதலை அளிக்கப்படும். மேலும் சிலர் தங்கள் அடிமைகளை பரிசாக பரிமாறி கொண்டனர். சில எஜமான்கள் கிறிஸ்துமஸ் பண்டிகை அன்று மட்டும், அடிமைகளுக்கு வீ்ட்டில் முழு சுதந்திரம் கொடுத்ததாகவும் வரலாற்றில் குறிப்புகள் உள்ளது.

கிறிஸ்துமஸ் பண்டிகை அன்று மகிழ்ச்சியை பகிர்ந்து கொள்ள பரிசுப் பொருட்களை பரிமாறி கொள்வதும், போட்டிகளை நடத்துவது என்று பல கோணங்களில் கொண்டாட்டம் விரிவடைந்தது. கடந்த 1836ம் ஆண்டு கிறிஸ்துமஸ் பண்டிகைக்கு அலபாமா என்ற பகுதியில் அரசு விடுமுறையாக அறிவிக்கப்பட்டது. 1840ம் ஆண்டு இங்கிலாந்தில் முதன் முதலாக கிறிஸ்துமஸ் வாழ்த்து அட்டைகள் அனுப்பும் வழக்கம் துவங்கியது.

டிசம்பர் மாதம் 25ம்தேதியிலிருந்து ஜனவரி மாதம் 6ம் தேதி வரையிலான 12 நாட்களை 12 நாள் கிறிஸ்மஸ் என்று அழைத்து 12 நட்களும் உறவினர்கள் நண்பர்கள் என்று எல்லோரையும் சந்தித்து பரிசுகளை வழங்கி மகிழ்ந்த நாட்களாக இங்கிலாந்திலும் பிரான்சு தேசத்திலும் பல ஊரகப்பகுதிகளில் கடைப்பிடித்திருக்கின்றனர். இந்த நாட்களில் ஆடல் பாடல் என்று தங்களை உற்சாகப்படுத்திக் கொண்டிருந்திருக்கின்றனர். இப்போது ஜனவரி 1 வரை கொண்டாடி மகிழ்கின்றனர்.

கடந்த 1847ம் ஆண்டு பிரான்சில் தான் முதல் முதலாக கிறிஸ்துமஸ் கேரல் சர்வீஸ் நடத்தப்பட்டதாக தெரிகிறது. இந்த கேரலில் "ஓ ஹோலி நைட்" என்ற பிரபல கிறிஸ்துமஸ் பாடல் பாடப்பட்டதாக கூறப்படுகிறது. அந்தக் காலகட்டத்தில் உருவானதுதான் கேரல் எனப்படும் குழு நடனப் பாடல்! கிராமங்களில் இதற்கென்றே பாடற்குழுக்கள் ஏற்படுத்தப்பட்டு இந்த நாட்களில் பாடுவதையும், சிலர் பாடிக்கொண்டே தெருக்களில் உலாப் போவதும், தங்கள் வீட்டருகே வரும்போது அவர்களுக்கு குடிப்பதற்கும் சாப்பிடுவதற்கும் கொடுத்து உற்சாகப்படுத்துவதை வழக்கமாகக் கொண்டிருந்திருக்கின்றனர். இன்றும் பல நாடுகளில் சில இடங்களில் இத்தகைய குழுப்பாடல் பாடி வலம் வருவதைக் காணலாம். மொத்தத்தில் நல்லது ஓங்கவும், அல்லது அழியவும் இந்த நன்னாளை உலக மக்கள் அனைவரும் ஒருங்கிணைந்து இயேசு பெருமானை இறைஞ்சி, துதி பாடி மகிழ்கின்றனர் என்பது சந்தோஷமான விஷயம்தான்.

 

அந்தோணிசேவியர்

===============================================================================

ஆன்மிகம்

 

ஞானசம்பந்தருக்குத் தந்தையான அரத்துறை நாதன்!

 

ஒரு சமயம் வாயு பகவானுக்கும், ஆதிசேஷனுக்கும் "தங்களில் யாா் வல்லமை படைத்தவா்?" என்பது குறித்துக் கடும்போட்டி ஏற்பட்டது. தன் பலத்தை நிரூபிக்க எண்ணிய ஆதிசேஷன் மேருமலையைத் தன் உடல் பகுதியால் சுற்றி வளைத்து இறுகப் பற்றிக்கொண்டு, "உனக்கு வலிமை இருந்தால் என் பிடியிலிருந்து இம்மலையைப் பெயா்த்து எடு" என்று வாயு பகவானை நோக்கிக் கூறினாா்.

தன் முழு ஆற்றலைப் பிரயோகம் செய்தும் மேரும லையை அசைக்க முடியாததால், நாரத மகாிஷியின் உதவியை நாடினாா் வாயுபகவான். வாயு பகவானுக்கு உதவத் திருவுள்ளம் கொண்ட நாரத மகாிஷி தன் திருக்கரத்திலுள்ள "மஹதீ" எனும் வீணையைக் கொண்டு தேவ கானம் இசைத்தாா்.

"இசைக் கேட்டால் புவி அசைந்தாடும்" என்ற வாக்கின்படி நாரதாின் வீணையில் பிறந்த இனிய இசையில் மனதைப் பறிகொடுத்த ஆதிசேஷன், ஒரு க்ஷணப் பொழுது தன் பிடியைத் தளா்த்தினாா். இந்த அாிய சந்தா்ப்பத்தை எதிா்நோக்கி விழிப்புடன் காத்திருந்த வாயுபகவான், சீறிப் பாய்ந்து மேருமலையைப் பெயா்த்துவிட் டாா்.

தோல்வியால் துவண்ட ஆதிசேஷன், சினம் கொண்டு வாயு பகவானை வென்றே தீர வேண்டும் என்ற எண்ணம் மேலோங்க, தென்திசை நோக்கிப் புறப்பட்டு "நிவா நதி" என்று பூஜிக்கப்படும் புண்ணிய நதியான "வெள்ளாற்றங்கரை யில்" ஈசனைக் குறித்து கடும் தவம் மேற்கொண்டாா்.

ஆதிசேஷனது தவத்தின் விளைவால் ஏற்பட்ட வெப்பம் தாங்க முடியாமல் துன்பப்பட்ட தேவா்களும் மகாிஷிகளும் திருக் கயிலாயம் சென்று ஈசனிடம் முறையிட்டனா். தேவா்களையும் மகாிஷிகளையும் காக்கவும் ஆதிசேஷனின் சினம் தணித்து அருளவும் திருவுள்ளம் கொண்ட சா்வேஸ்வரன், அன்னை பாா்வதி தேவியுடன் ஆதிசேஷனுக்குக் காட்சி தந்து அருள்மழை பொழிந்தாா்.

அம்மையப்பனின் தாிசனம் கண்ட ஆதிசேஷன் சினம் தணிந்து, ஐயனின் தாிசனம் நிகழ்ந்த இந்த இடத்தில் தனது பெயா் நிலைத்திருக்க வரமருள வேண்டுமென ஈசனிடம் கேட்டாா்.

அரவமாகிய ஆதிசேஷனின் தவவலிமையைக் கண்டு மகிழ்ந்த ஈசன், "இத்தலம் உமது நினைவாக திருஅரத்துறை என்று பூஜிக்கப்படும்," என்று திருவாய் மலா்ந்தாா்.(திரு+அரவம்+துறை = திருஅரத்துறை) பிற்காலத்தில் இத்தலம் "திருநெல்வாயில் அரத்துறை" என்று வழங்கப்பட்டு தற்போது "திருவட்டத்துறை" என்று வணங்கப்படுகிறது. இத்தலத்தில் ஈசன் "தீா்த்த புரீஸ்வரா்"எனும் திருநாமம் கொண்டு அம்பிகை திரிபுரசுந்தாி சமேதராக எழுந்தருளி அருள்பாலி க்கின்றாா்.

தமிழ்நாட்டில் அமைந்துள்ள பாடல் பெற்ற சிவாலயங்களில் நடுநாட்டுத் தலங்கள் 22ல் முதல் தலமாகப் போற்றி வணங்கப்படு கின்றது திருவட்டத்துறை திருத் தலம்.

வால்மீகி மகாிஷி வழிபட்ட ஈசன்!

ஆதிசேஷனுக்கு ஆடவல்லான் திருக்காட்சி தந்த இத்தலத்தில் "வால்மீகி மகாிஷி" சிலகாலம் தங்கி வழிபாடுகள் செய்து மகிழ்ந்துள்ளாா். அவ்வமயம் சூாிய குல மன்னரான "திரிபுவனச் சக்ரவா்த்தி" திருத்தல யாத்திரை மேற்கொண்டு திருவட் டத்துறைக்கு விஜயம் செய்துள் ளாா். வால்மீகி மகாிஷிகளின் மூலம் இத்தலத்தின் பெருமைக ளைக் கேட்டறிந்து அகம் மகிழ்ந்த இம்மன்னா் இத்திருக்கோயிலு க்குப் பல திருப்பணிகளை செய்து மகிழ்ந்துள்ளாா்.வால்மீகி மகாிஷிக்குத் தனியே விக்கிரகம் அமைத்து வழிபாடுகள் நடைபெறுகின்றன இத்தலத்தில்.

சைவ நெறி தழைத்தோங்க தங்களை அா்ப்பணித்துக் கொண்ட சேர,சோழ,பாண்டிய மன்னா்கள் இத்தலத்து ஈசனை வழிபட்டு பேருவகை அடைந்துள் ளனா். ஈசன் தீா்த்தபுரீஸ்வரப் பெருமானிடம் தாங்கள் கொண்டிருந்த பக்தியின் காரணமாக "ஆத்மாா்த்த மூா்த்திகளாக" சேரலிங்கம், சோழலிங்கம், பாண்டியலிங்கம் என மூன்று லிங்கத் திருமேனி களை இத்தலத்தில் பிரதிஷ்டை செய்து வழிபாடு செய்துள்ளனா்.

புண்ணியநதியான நிவா நதி!

வெள்ளாற்றின் கரையில் உள்ள

ஏழு புண்ணியத்துறைகளான ஆதித்துறை (காரியானூா்), திருவாலந்துறை, திருமாந்துறை, திருஆடுதுறை, திருவட்டத்துறை (திட்டக்குடி), திருநெல்வாயில் அரத்துறை மற்றும் திருக்கரந் துறை எனும் துறைத்தலங்களில் திருவட்டத்துறை முக்கியமான தலமாகும். பூவுலக மக்களின் பூா்வஜென்ம பாவங்களையும் நீக்கி அருள்செய்ய திருவட்டத்து றையில் ஈசன் அருள்பாலிப்பதாக இத்தலத்தின் வரலாறு தொிவிக் கின்றது.

இந்த ஏழு (சப்த) துறைகளை யும் ஈசனை வணங்குவதற்காக "நீ வா" என சப்தரிஷிகள் அழைத்ததால் இப்புண்ணிய நதிக்கு "நிவா நதி" என்ற திருநாமம் ஏற்பட்டதாக இத்தலத்தின் வரலாறு தொிவிக் கின்றது. "நிவா மல்கு கரைமேல்" என ஞானசம்பந்தா் இத்தலத்தின் ஈசனைப் போற்றியுள்ளதால், இந் நதியின் தெய்வீகப் பெருமையை அறியமுடிகின்றது.

நிவா நதி எனும் வெள்ளாற்றில் வெள்ளம் பெருக்கெடுத்தபோது அதனால் சேதம் ஏற்படாதிருக்க, நந்தி எம்பெருமான் தனது தலையைத் திருப்பிப்பாா்க்க, அதனால் வெள்ளம் வடிந்தது என்றும், இதன் காரணமாக இத் தலத்தில் நந்தியெம்பெருமானின் தலை மட்டும் சற்றுத் திரும்பி தெற்கு திசை நோக்குவதாக அமைந்துள்ளது என்றும் தல வரலாறு தொிவிக்கின்றது.

ஞானசம்பந்தருக்கு முத்துப்

பல்லக்கு அளித்த திருத்தலம்!

ஈசனின் விருப்பத்தினால் சைவ நெறியை நிலைநாட்ட "பிரம்மபுரம்" எனும் சீா்காழிப் பதியில் அவதாித்தவா் திருஞான சமபந்தா். மூன்று வயதிலேயே அம்மையப்பனால் ஆட்கொள்ளப் பெற்றமையால் "ஆளுடைப் பிள்ளை" எனவும், தேவா்களுக் கும் மகாிஷிகளுக்கும் கிடைத்தற் காிய சிவஞானம் பெற்றதால் "திருஞானசம்பந்தா்" எனவும் போற்றப்பட்டவா் இந்த அருளாளா். இப்பெருமான் திருவட்டத்துறை ஈசனைத் தாிசிக்க வந்தபோது நீண்ட நடைப்பயணத்தால் அவரது பாதமலா்கள் சிவந்து புண்ணாகி நடக்க இயலாமல் வருந்தினாா்.

தன் அடியவா் படும் துயரத்தை எப்படி அனுமதிப்பாா் அம்பிகை பாகன்.சம்பந்தாின் துயா் தீா்க்க திருவுள்ளம் கொண்டாா் ஈசன். அன்றிரவு இத்தலத்தில் வசிக்கும் மறையோதும் வேதியா்களின் கனவில் தோன்றிய அரத்துறை நாதன், "எமது அன்புக் குழந்தை ஞானசம்பந்தன் வருகிறான். நீங்கள் எம் திருக்கோயிலில் உள்ள முத்துச்சிவிகை, முத்துக் குடை மற்றும் முத்துச் சின்னங்கள் ஆகியவற்றை எடுத்துச் சென்று அவனிடம் கொடுங்கள்," என்றருளினாா்.

மறுநாள் காலை திருக்கதவம் தாள் திறந்த வேதியா்கள் முத்துச் சிவிகை,முத்துக்குடை மற்றும் முத்துச்சின்னங்கள் ஆகியவை அங்கு இருப்பதைக்கண்டு வியந்து, ஈசனின் எல்லையற்ற கருணையை எண்ணி, எண்ணி மனம் உருகி நின்றனா்!

திருஞானசம்பந்தாின் கனவிலும் உமையொருபாகன் தோன்றி," உனது திருத்தொண்டு தடையின்றித் தொடர யாம் உனக்கு அளித்தருளும் சிவிகை, குடை ஆகியவற்றை ஏற்றுக் கொள்வாயாக!" என்று திருவாய் மலா்ந்தருளினாா்.

சம்பந்தரும் ஈசனின் திருக் கருணையை எண்ணி மனமுருகி, "எந்தை ஈசனெம்பெருமான்" என்று தொடங்கும் பதிகத்தைப் பாடித்துதித்தாா். பஞ்சாட்சர மந்திரத்தை ஓதியபடி சிவிகையில் அமா்ந்து ஈசன் அருள்பாலிக்கும் இதர திருத்தலங் களுக்கும் சென்று தாிசித்தாா் சம்பந்தா்.

திருநாவுக்கரசா், சுந்தரா், அகத்தியா், ஆதிசங்கரா், குகை நமச்சிவாயா்,அருணகிாிநாதா் மற்றும் இராமலிங்க அடிகள் போன்ற அருளாளா்கள் பாடிப் பரவசப்பட்ட ஒப்புயா்விலாத தலம் இத்திருத்தலம்.

ஈசனின் திருநாமங்கள்.

திருநெல்வாயில் அரத்துறை எனும் திருவட்டத்துறையில் எழுந்தருளியுள்ள ஈசன் சுயம்பு லிங்கமாகத் தோன்றியவா் என இத்தலத்தின் தலவரலாறு தொிவிக்கின்றது. இத்தலத்தின் ஈசன் ஆனந்தீஸ்வரா், அரத்துறை நாதா், தீா்த்தபுரீஸ்வரா் என பல்வேறு திருநாமங்களில் பூஜிக்கப்படுகின்றாா்.

இத்தலத்தின் அம்பிகை ஆனந்தநாயகி,அரத்துறைநாயகி, திாிபுரசுந்தாி என்றும் பல திருநாமங்களுடன் வணங்கப் படுகின்றாா். அம்பிகையின் தெற்கு நோக்கிய திருமுக தாிசனம் எமபயம் போக்குவதாக வும் மனநோய்களைத் தீா்ப்பதாக வும் தொிவிக்கின்றனா் அன்பா்கள். ஈரேழு பதினான்கு உலகங்களையும் படைத்த வண்ணம் காத்து அருள்கின்ற அன்னை திாிபுரசுந்தாியின் கருணை ததும்பும் திருமுக தாிசன லாவண்யம் நம் மனதைக் கொள்ளை கொள்கிறது.

கிரகதோஷ நிவா்த்தி தலம்!

சூாிய குடும்பத்தில் அங்கம் வகிக்கும் செவ்வாய் மற்றும் சனி கிரகங்கள் தங்களது வினைப் பயன் காரணமாக சூாிய சந்திரா் களின் சாபத்தைப் பெற நோிட்டது.

செவ்வாயும் சனியும் பிரம்ம தேவனை வணங்கி தங்களது சாபம் தீர வழி கூறி அருளுமாறு வேண்டினா்.

அவா்களுக்கு உதவ எண்ணிய பிரம்மதேவனும் பூவுலகில் உள்ள திருவட்டத்துறை திருத்தலம் சென்று ஈசனைக் குறித்து தவமியற்றுமாறு வழி கூறியருளினாா். பிரம்மனின் ஆலோசனையை ஏற்ற செவ்வா யும் சனியும் "நிவா நதியில்" புனித நீராடி ஈசனைக்குறித்து பல காலம் தவம் செய்தனா். தவத்தில் திருவுள்ளம் மகிழ்ந்த ஈசன் அவா்களுக்குக் காட்சி தந்து அவா்களின் துயா் களைந்து அருள் புாிந்தாா்.

செவ்வாய் மற்றும் சனி கிரகங்களின் துன்பம் நீக்கியரு ளிய இத்தலத்தில் ஈசனை மனமுருகி வழிபடும் பக்தா்களின் இன்னல்களையும் தீா்த்து வைப்பதில் மிகச்சிறந்த வரப்பிரசாதியாகத் திகழ்கின்றாா் தீா்த்தபுரீஸ்வரப் பெருமான்.

செவ்வாய் தோஷம் காரணமாக திருமணம் தடைப்பட் டுள்ளவா்களும் அஷ்டமச்சனி மற்றும் ஏழரைச் சனியின் ஆதிக்க த்தால் துன்பப்படுபவா்களும் இத் தலத்தில் ஈசனை வழிபட இன்னல் கள் நீங்குவது பக்தா்கள் அனுப வத்தில் கண்ட உண்மையாகும்.

பித்ரு தோஷ நிவா்த்தி தலம்!

முத்துச்சிவிகை பெற்ற நெகிழ்ச் சியில் சம்பந்தப்பெருமான் இத் தலத்தின் ஈசனை " எந்தை ஈசன் எம்பெருமான்" என அடியெடுத்துப் பாடி தமது தந்தையாகவே ஏற்றுக் கொண்ட நிகழ்வால், பக்தா்கள் இத்தலத்தில் வழிபாடுகள் செய்ய பித்ருக்களது (மூதாதையா்கள்) ஆசிகளைப் பெறுவதாக தொிவிக் கின்றனா்.

இத்தலத்தில் நடைபெறும் மாசிமகப் பெருவிழாவில் பத்தாம் நாளன்று ஶ்ரீதீா்த்தபுரீஸ்வரா் வெள்ளாற்றில் நடைபெறும் தீா்த்தவாரியில் கலந்து கொண்டு பக்தா்களுக்கு நல்லாசி அளிக்கி ன்றாா். இந்த தீா்த்தவாரியில் கலந்துகொண்டு தாிசனம் பெறும் அன்பா்களின் பித்ரு தோஷங்க ளை ஈசன் போக்கி அருள்வதாக இத்தலத்தின் வரலாறு தொிவிக்கின்றது.

நீண்ட நாட்களாக நோய்வாய்பட்ட அன்பா்கள், தீராத நோய்களையும் தீா்த்து வைக்கும் வெள்ளாற்றில் புனித நீராடி தீா்த்தபுரீஸ்வரப் பெருமானை வணங்கினால் உடல்நலிவு நீங்கப்பெற்று மன நிம்மதி பெறுவாா்கள்.

தேவாரம் அருளிய மூவா் பெரு மக்களும் மற்ற அருளாளா்களும் பாடிப்பரவசமடைந்த இத்தலத்து ஈசனை நாமும் வழிபட்டு அவன் பேரருளைப் பெறுவோம்.

அந்த இனிய வாய்ப்பு கிடைக்கும் வரை திருஞான சம்பந்தப் பெருமான் அருளிய கீழ்க்கண்ட பதிகத்தை பக்தியுடன் பாராயணம் செய்வோம்.

"எந்தை யீசனெம் பெருமான்

ஏறமா்

கடவுளென் றேத்திச்

சிந்தை செய்பவா்க் கல்லாற்

சென்றுகை

கூடுவ தன்றால்

கந்த மாமல ருந்திக் கடும்புனல்

நிவாமல்கு கரைமேல்

அந்தண் சோலை நெல்வாயில்

அரத்துறை

யடிகள் தம் அருளே!"

கடலூா் மாவட்டம் விருத்தாசலம்− திட்டக்குடி சாலையில் கொடிக்களம் என்னும் பேருந்து நிலையத்திலிருந்து சுமாா் ஒரு கி.மீ. தூரத்தில் உள்ளது திருவட்டத்துறை திருத்தலம்.

படங்கள் உதவி:

திரு.பனையபுரம் அதியமான்.

Munnur Ramesh

--------------------------------------------------------------------------------------------------------------------------------------------

-----

அனைவருக்கும் தீபாவளி வாழ்த்துக்கள்

******************************************************************************************************************

 அறிவியல்

நாசா கண்டுபிடித்த பூமிக்கு மிகவும் நிகரான கிரகம்

 

 

 பூமிக்கு மிகவும் ஒத்த கிரகம் தொலைநோக்கி மூலம் கண்டறியப்பட்டுள்ளது.

பூமி-அளவு, வாழக்கூடிய மண்டல கிரகம் NASA’s Kepler space  (விண்வெளி )தொலைநோக்கி மூலம் கணிக்கப்பட்டது என ஏப்ரல் 15, 2020-ல் அமெரிக்காவில்  நாசா இயற்பியல் விஞ்ஞானிகள் குழு அறிவித்தது.

பூமியை விட 6% பெரிய பாறை அன்னிய கிரகமான கெப்லர்-1649 C மேற்பரப்பில் திரவ நீர் இருக்கிறதா ?    இந்த Kepler 1649 C எனும் ஒரு புதிய உலகம்,  சிக்னஸ்( Cygnus ) விண்மீன் தொகுப்பில் ( Galaxy )-யில் 302 ஒளி ஆண்டுகள் தூரத்தில் உள்ளது.
 வானியற்பியல் ஜர்னல் கடிதங்களில் ஒரு புதிய ஆய்வறிக்கை :
வானியலாளர்கள் தொலைதூர நட்சத்திரத்தைச் சுற்றி ஒரு புதிய உலகத்தைக் கண்டுபிடித்திருப்பதை வெளிப்படுத்துகிறது. இது பூமியின் அளவைப் போன்றது. 
“அளவு ( size ) மற்றும் வெப்ப நிலையை 
பொறுத்தவரை, இது கெப்லருடன் இதுவரை கண்டுபிடிக்கப்பட்ட பூமிக்கு மிகவும் ஒத்த கிரகம்” என்று SETI நிறுவனத்தில் இணை ஆசிரியர் ஜெஃப் கோக்ஸின் கூறினார். 
     Kepler-1649 C  எனும் புதிய உலகம் சிக்னஸ் ( Cygnus )  விண்மீன் தொகுப்பில் 302 ஒளி ஆண்டுகள் தொலைவில் உள்ளது. இது கெப்லர்- 1649 c  எனப்படும்.  இது பூமியிலிருந்து தெரியாத எம் வகை நட்சத்திரத்தை சுற்றிவருகிறது. எம்- வகை நட்சத்திரம் ஒரு குறைந்த நிறை கொண்ட நட்சத்திரமாகும். இது “ சிவப்பு குள்ளன்” ( Red Dwarf ) எனவும் அழைக்கப்படுகிறது. இந்த கெப்லர் 1649 c கிரகம்,  அதன் புரவலன் நட்சத்திரம்( host star )-ஆன எம்-வகை ‘சிவப்பு குள்ளன்’ என அழைக்கப்படும் கெப்லர் 1649-ஐச் சுற்றிவருகிறது. ஆனால் இந்த புரவலள் நட்சத்திரம் சூரியனைவிட மிகச் சிறியது என்றாலும், பூமி எவ்வளவு அளவு ஒளியை, தனது நட்சத்திரமான சூரியனிடமிருந்து பெறுகிறதோ அந்த அளவில் 75% சூரிய ஒளியை இந்த கெப்லர் பெறுகிறது. Kepler-1649 c-யின் அளவு நமது பூமியின் அளவில் 1.06 மடங்கு ஆகும். தனது நட்சத்திரத்தை கெப்லர் கிரகம் 19.5 நாட்களில் சுற்றிவருகிறது. அதாஙது Kepler-1649 c-இல் ஒரு வருடம
 என்பது நம் பூமியில் 19.5 ( பத்தொன்பதரை) நாட்களுக்கு சமம். 
     காலநிலை :  கெப்லர்-1649- c கிரகத்தின் காலநிலை மிகவும் குறைவாகவே அறியப்படுகிறது. இது பூமியைப் போன்ற வெப்பநிலையாக இருக்கும் என மதிப்பிடப்படுகிறது. கெப்லர் 1649 c கிரகத்தின் வளிமண்டலத்தின் கலவை என்ன எனபதுபற்றி சரியாகத் தெரியவில்லை.
   புரவலன் நட்சத்திரம் ( hot star ) கெப்லர்-1649  ( எம் வகையான ஒரு ‘குள்ள நட்சத்திரம்’ )  இதன் ஆரம் ( radius ) நமது சூரியனின் ஆரத்தில் கால் பங்குதான் உள்ளது என மதிப்பிடப்படுகிறது.  அதன் சுற்றுப் பாதையில் இரண்டு உறுதிப்படுத்தப்பட்ட கிரகங்களே உள்ளன எனவும், மற்றொன்று, கெப்லர்-1649 b
ஆகும் என மதிப்பிடப்படுகிறது. 
  2020 ஆம் ஆண்டு நிலவரப்படி, புரவலன் நட்சத்திலிருந்து ஒளிவீச்சுகள் இதுவரை காணப்படவில்லை. எனினும் , விஞ்ஞானிகள் அத்தகைய நட்சத்திரங்கள் சூரிய ஒளிரும் செயல்பாட்டிற்கு ஆளாகின்றன என்றும், அத்தகைய எரிப்புகள் எக்ஸோப்ளானெட்டின் வளிமண்டலத்தை அகற்றி, வாழ்க்கையின் வாய்ப்பைத் தடுத்திருக்கலாம் எனவும் கருதுகிறார்கள்.
எனினும், கெப்லர்-c வளிமண்லங்கள் மற்றும் திரவ/நீர்நிலைகள் பற்றி சிறப்பு வாய்ந்த சோதனைக் கருவிகள் உதவியுடன் தீவிர ஆராய்ச்சிகளை முனைந்து செய்து வருகின்றனர் விஞ்ஞானிகள்.

 

தகவல்  ஆர் ..ராஜமாணிக்கம்

((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((